Tito 2:8 - Q'eqchi Bible

⁸ chaab'ilaq laawaatin ut maak'a'aq aaq'usb'al, re naq taaxutaanaq li xik' na'ilok qe xb'aan naq maak'a' k'aru ink'a' us truuq tixye chiqix.

Li Santil hu

⁸ Ut nak tat-a̱tinak, tzꞌakal re ru li cꞌaꞌru ta̱ye re nak ma̱ ani ta̱cuechꞌi̱nk rix li cꞌaꞌru ta̱ye. Chi joꞌcan teꞌxuta̱na̱k li xicꞌ nequeꞌiloc ke ut ma̱cꞌaꞌ cꞌaꞌ re ru naru teꞌxye chikix la̱o aj pa̱banel.

Tito 2:8 ပူးပေါင်းရင်းမြစ်များ

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

1 Pedro 2:15

Xb'aan naq a'an a'in li naraj li Yos: naq rik'in xb'aanunkil li us teetz'ap xsa' reheb' li maak'a'eb' xna'leb' ut memeb'.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

1 Timoteo 6:3

Wi wank junaq jalan chik yo chi xk'utb'al ut ink'a' naxpaab' li xchaab'il aatin li Qaawa' Jesukriist jo'wi' li qatzolb'al sa' li qapaab'aal,

2 Ts 3:14

Wi wank junaq ink'a' naxpaab' li xqaye sa' li hu a'in, k'ehomaq reetal ut meejunaji eerib' rik'in re naq chixutaanaq.

Nehemías 5:9

Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

San Lucas 13:17

Naq yo chi xyeeb'al a'in, ke'chalk xxutaan eb' li xik' neke'ilok re; ab'anan chixjunileb' li tenamit ke'saho'k sa' xch'ool rik'in li sachb'ach'oolej nalajxb'aanu.

San Marcos 12:34

Naq li Jesus kiril naq kisumeek chi chaab'il, kixye re: —Ink'a' najt wankat rik'in li xnimajwal awab'ejihom li Yos. Ut maa'ani chik nakawuuk xch'ool chi patz'ok re.

San Marcos 12:32

Ut laj tz'iib' kixye re: —Us, at Tzolonel. Yaal xaye naq li Qaawa' jun ajwi' chirib'il ut maak'a' chik junaq chirix A'an,

San Marcos 12:28

Jun reheb' laj tz'iib' kijilok chi xk'atq li Jesus xb'aan naq kirab'iheb' naq yookeb' chi wech'ink chirib'ileb' rib' ut naxnaw naq li Jesus kixsumeheb' chi us. Ut kixpatz' re: —B'ar wank tz'aqal li xb'een reheb' chixjunil li chaq'rab'?

San Marcos 12:17

Toja' naq li Jesus kixye reheb': —Q'ajsihomaq re li awab'ej li k'aru re li awab'ej, ut re li Yos li k'aru re li Yos. Ut ke'sachk xch'ool xb'aan.

Tito 3:14

Eb' li qakomon che'xtzolaq rib' chi xq'axtesinkileb' rib' chi xb'aanunkil li chaab'il k'anjel re xtenq'ankil li q'axal wankeb' sa' rajb'al ru; chi jo'kan moko jo'qeb' ta li maak'a' neke'ok wi'.