Tito 2:14 - Q'eqchi Bible

¹⁴ A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Li Santil hu

¹⁴ Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Tito 2:14 ပူးပေါင်းရင်းမြစ်များ

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

Tito 3:8

Tz'aqal yaal li aatin a'in ut nawaj naq taach'olob' chi tz'aqal, re naq eb' li ak neke'xpaab' li Yos te'xk'e xch'ool chi xb'aanunkil li chaab'il k'anjel. A'an us ut nak'anjelak cho'q reheb' chixjunil.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Salmos 130:8

A'an taa'isinq re laj Israel sa' chixjunil li maak xlaje'xb'aanu.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Hebreos 10:24

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

Tito 2:7

Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

1 Timoteo 6:18

Chatz'aama naq usilal che'xb'aanu, jo' ajwi' naq che'b'ihomo'q rik'in li chaab'il b'aanuhom ut che'wotzoq chi anchaleb' xch'ool.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Ezequiel 37:23

Ink'a' chik te'xmux rib'eb' rik'in xloq'oninkil ru eb' li jalanil yos, jo' ajwi' rik'in xb'aanunkil li tz'i'b'eetal ut li maa'usilal. Teb'inkol chiru li q'etb'a aatin xe'maakob'k wi' ut tinch'ajob'resiheb' chiru chixjunileb' li maak: a'anaqeb' lintenamit ut laa'inaq li xYoseb'.

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

1 Timoteo 2:10

rik'in b'an chaab'il b'aanuhom jo' xk'ulub'eb' li ixq neke'raj roxloq'inkil li Yos.

1 Timoteo 2:6

li kixq'axtesi rib' re qakolb'al chiqajunilo. A'an kich'olob'aak tz'aqal sa' xq'ehil,

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

Hechos 15:14

Laj Simehón ak xseeraq'i qe chanru naq li Yos chalen chaq sa' xtiklajik kirileb' li maawa'eb' aj Judiiy re xsik'b'al sa' xyanqeb' jun tenamit cho'q re A'an.

Hechos 15:9

Moko jalan ta kixb'aanu qe laa'o, jalan ta kixb'aanu reheb' a'an, xb'aan naq kixch'ajob'resi li xch'ooleb' xb'aan li paab'aal.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

Malaquías 3:3

Taak'ojlaaq chi puuxink ut chi ch'ajob'resink. Tixch'ajob'resiheb' li ralal xk'ajol laj Leví ut tixpuuxiheb' jo' na'uxk re li oor ut li plaat; ut tz'aqal a'anaqeb' chik li te'mayejaq chiru li Qaawa' sa' tiikilal.

Números 25:13

tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

Levítico 25:41

Toja' naq truuq tixkanab' laawochoch rochb'eenaqeb' li ralal xk'ajol re naq taasutq'iiq sa' xyanqeb' li xkomon ut sa' li xna'ajeb' li xna' xyuwa'.

Números 7:15

jun saaj wakax, jun chib'aat, jun karneer aj junq chihab', cho'q re li k'atb'il mayej;