Tito 2:11 - Q'eqchi Bible

¹¹ Xb'aan naq ak xk'utunk li xnimal rusilal li Yos chiruheb' chixjunil:

Li Santil hu

¹¹ Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

Tito 2:11 ပူးပေါင်းရင်းမြစ်များ

1 Timoteo 2:4

A'an naraj naq chixjunileb' te'kole'q ut toxe'xtaw ru k'aru li yaal.

Efesios 2:8

Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

Efesios 2:5

ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Romanos 5:15

Ab'an li usilal moko juntaq'eet ta rik'in li q'etb'a aatin. Sa' xk'ab'a' li xmaak jun chi winq ke'kamk chixjunileb'; ab'an k'ajo' chik xnimal li rusilal li Yos jo'wi' li qamaatan k'eeb'il sa' xk'ab'a' li rusilal jun chi winq, a' li Jesukriist! K'ajo' naq kinumtaak li rusilal li Yos sa' xb'een naab'aleb'!

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

San Lucas 3:6

Ut chixjunileb' te'ril li kolb'a ib' naxk'e li Yos»”.

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.

Romanos 5:2

Xb'aan A'an, rik'in li paab'aal, xqataw qokik sa' li usilal a'in li wanko wi', ut naqanima qib' rik'in royb'eninkil li xnimal xloq'al li Yos.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Salmos 96:10

Yehomaq reheb' li poyanam: “Li Qaawa' na'awab'ejink!”. Kixk'ojob' sa' xna'aj li ruuchich'och', ut maajaruj taa'eek'anq. A'an na'awab'ejink reheb' li tenamit sa' xyaalal.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

Gálatas 2:21

Ink'a' nintz'eqtaana xwankil li rusilal li Yos, xb'aan naq, wi ta sa' xk'ab'a' li Chaq'rab' natawmank li tiikil ch'oolej, maak'a' raj rajb'al naq kikamk li Kriist.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

Hechos 13:47

Xb'aan naq jo'kan kooxtaqla wi' chaq li Qaawa' naq kixye: «Xatinxaqab' cho'q xkutaneb' li tenamit re naq tatkanaaq cho'q kolb'a ib' toj sa' xmaril li ruuchich'och'».

Hechos 13:43

Ut naq ak kiraqe'k li ch'utam, naab'aleb' laj Judiiy ut xkomoneb' li neke'xxiwa ru li Yos ke'xtaaqe laj Pablo ut laj Bernabé. Eb' a'in toj ke'seeraq'ik rik'ineb', yookeb' chi xq'unb'esinkileb' chi wank junelik sa' rusilal li Yos.

San Juan 1:9

Li tz'aqal saqenk li naxkutanob'resi chixjunileb' yo chaq chi chalk sa' ruuchich'och'.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Zacarías 4:7

Anihat laa'at, at xnimal tzuul? Chiru laj Sorobabel chanchanaqat aj chik jun nimla taq'a, ut aran taarisi chaq li pek re rub'elankil li kab'l, naq japjo'qeb' re chixjunileb' chi xyeeb'al: K'ajo' xch'ina'usal, k'ajo' xch'ina'usal!, cha'qeb'»”.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

Salmos 67:2

Li Qaawa' chiruxtaana taxaq qu ut choorosob'tesi taxaq. Chixk'ut taxaq chiqu li xrahom,

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

2 Timoteo 1:10

Li rusilal li Yos xk'utunk anaqwan rik'in li xk'utb'esinkil rib' laj Kolol qe, a' li Kristo Jesus, li xjuk'uk re xwankil li kamk ut xk'e chi lemtz'unk li junelik yu'am sa' xk'ab'a' li Chaab'il Esilal.