Tito 1:7 - Q'eqchi Bible

⁷ Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

Li Santil hu

⁷ Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

Tito 1:7 ပူးပေါင်းရင်းမြစ်များ

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

1 Pedro 4:10

Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'.

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

Ezequiel 44:21

Maajun aj tij taa'uk'aq b'iin naq taa'ok chiru neb'aal li wank chisa'.

Isaías 28:7

Wankeb' ajwi' li neke'taktotk xb'aan li b'iin ut sachenaq xna'leb'eb' xb'aan li ha' nakaltesink: a'aneb' laj tij ut eb' li propeet li ink'a' chik nach'olaak li neke'xb'aanu xb'aan li b'iin, sachso xna'leb'eb' xb'aan li ha' nakaltesink. Ink'a' chik neke'ch'olaak chi aatinak ut yookeb' xkalajik naq neke'raqok aatin.

Proverbios 14:17

Li sa' junpaat najosq'o'k ink'a' naxk'oxla li naxb'aanu; ut li naxnaw k'oxlak, wank xkuyum.

Proverbios 15:18

Li ani ch'inpo' nayoob'ank ch'a'ajkilal; a'ut li wank xkuyum naxch'anab' li raaxiik'.

Tito 2:3

Jo'kanaqeb' ajwi' li cheekel ixq: che'wanq xloq'aleb' li xyu'am jo' xk'ulub'eb' laj santil paab'anel; maawa'aqeb' aj yoob'anel aatin chi moko aj kalajenaqeb', a'anaqeb' b'an aj k'utul re li chaab'ilal,

Tito 1:5

A'in aj e naq xatinkanab' chaq Kreta, re naq taachoy xk'uub'ankil ru li k'aru toj uxk traj, ut taaxaqab'eb' aj jolominel tenamit sa' li junjunq chi tenamit, jo' chanru xatintaqla wi'.

Filipenses 1:1

Laa'in laj Pablo, wochb'een laj Timoteo, aj k'anjelo chiru li Kristo Jesus, nokootz'iib'ak rik'ineb' chixjunil li wankeb' xsantilal sa' xk'ab'a' li Kristo Jesus, eb' li wankeb' aran Filipos, rochb'eeneb' laj jolominel ut eb' li diákono.

San Mateo 24:45

“Ani li moosej tiik xch'ool ut wank xna'leb' li kik'ehe'k xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Levítico 10:9

“Naq laa'at malaj eb' laawalal tex'ok sa' li Loq'laj Muheb'aal, ink'a' tex'uk'uq b'iin chi moko ha' nakaltesink. Mare wachik texkamq. A'an jun chaq'rab' li wank xwankil chi junelik, li tento teepaab' laa'ex ut eb' leeralal eek'ajol toj chaalel.

Génesis 49:6

Sa' li xmolameb' ink'a' taxaq chat-ok, at waanm; maajunaji taxaq aawib' sa' li xch'utameb', at inch'ool, xb'aan naq sa' xjosq'ileb' ke'kamsink poyanam ut sa' li xq'etq'etileb' ke'xseti roqeb' li wakax.