Tito 1:16 - Q'eqchi Bible

¹⁶ Neke'xye naq neke'xnaw ru li Yos, ut rik'in li xb'aanuhomeb' neke'xk'ut naq ink'a'; tz'i'b'eetaleb' ru, aj q'etol aatineb', ut maak'a' junaq chaab'il k'anjel truuq te'xb'aanu.

Li Santil hu

¹⁶ Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

Tito 1:16 ပူးပေါင်းရင်းမြစ်များ

1 Juan 2:4

Wi junaq nayehok: “Laa'in ninnaw ru”, ut wi ink'a' naxpaab' li xchaq'rab', a'an aj tik'ti' ut maak'a' li yaal rik'in.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Efesios 5:6

Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Timoteo 5:8

Li ink'a' naxk'oxlaheb' li xkomon, ut xb'een xb'een eb' li wankeb' sa' li xjunkab'al, a'an xtz'eqtaana li xpaab'aal ut yib'ru li xna'leb' chiru li ink'a' napaab'ank.

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

Li xHu LAJ JOB 15:16

Ma tojo' tana chik laa'o li ink'a' us qana'leb' ut naqab'aanu li maa'usilal rajlal jo' naq na'uk'e'k li ha'?

1 Timoteo 1:9

ak ch'olch'o chiqu naq li Chaq'rab' moko k'eeb'il ta cho'q reheb' li tiikeb' xch'ool, reheb' b'an li ink'a' neke'raj ab'ink ut aj q'etoleb' aatin, reheb' ajwi' li ink'a' useb' xna'leb' ut aj maakeb', eb' li ink'a' neke'xpaab' li Yos ut aj muxuneleb' paab'aal, eb' li neke'xkamsi xna' xyuwa' malaj ras riitz'in,

Números 24:16

Raatin li ani narab'i li naxye li Qaawa', ut naxnaw li xnimal xk'a'uxl li Nimajwal. Raatin li ani naril li xk'utb'esihom li Nim Xwankil, nak'uluk choxahil na'leb', ut sa' moy u nateemank xsa'eb' li ru.

Jeremías 6:30

“Tz'eqtaananb'il plaat” te'xk'ab'a'in xb'aan naq li Qaawa' xtz'eqtaanank reheb'.

Proverbios 30:12

Wankeb' li neke'xye naq maak'a'eb' xmaak, ab'an nujenaqeb' chi maa'usilal.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

2 Timoteo 3:17

Chi jo'kan laj k'anjel chiru li Yos tz'aqalaq re ru ut kawresinb'ilaq re xb'aanunkil chixjunil li chaab'il k'anjel.

Tito 3:1

Chajultika reheb' laj paab'anel naq che'paab'anq chiruheb' laj taqlanel ut li wankeb' sa' xwankil; che'ab'inq ut yo'oon wanqeb' re xb'aanunkil chixjunil li chaab'il k'anjel.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.