Tito 1:12 - Q'eqchi Bible

¹² Jun rech tenamitul, propeet sa' xyanqeb', kixye: “Eb' laj Kreta junelik neke'tik'ti'ik, josq' aj xuleb', aj numwa'ineleb' ut aj q'emeb'”.

Li Santil hu

¹² Eb laj Creta queꞌxqꞌue jun li cui̱nk aj kꞌe chokꞌ xprofeteb. Li cui̱nk aꞌan quixye chi joꞌcaꞌin chirixeb li rech tenamitil: laj Creta junes ticꞌtiꞌic nequeꞌxba̱nu. Chanchaneb li joskꞌ aj xul. Eb aꞌan aj num cuaꞌineleb ut incꞌaꞌ nequeꞌraj trabajic, chan.

Tito 1:12 ပူးပေါင်းရင်းမြစ်များ

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Hechos 17:28

xb'aan naq rik'in li Yos yo'yooko, nokoo'eek'ank ut wanko, jo' ajwi' wank xe'yehok sa' eeyanq: «Relik chi yaal naq ralal xk'ajolo li Yos».

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

2 Pedro 2:12

A'ut eb' a'in chanchaneb' li xul maak'a'eb' xna'leb', li yal reheb' chape'k ut kamsiik naq xe'yo'laak chaq: neke'xmajewa li k'aru ink'a' neke'xnaw, ut te'kamq jo' nakamsiik junaq xul.

Hechos 2:11

aj Judiiy li wankeb' chi jo'kan chalen chaq sa' xyo'lajikeb' malaj li toj moqon chik okenaqeb' sa' qayanq. Wankeb' aj Kreta ut aj Arabia, ab'an neke'qab'i chixjunileb' chi xyeeb'al sa' qaatinob'aal li xninqal ru xb'aanuhom li Yos!

Hechos 27:7

Chiru naab'al kutan koob'eek timil chiru li palaw ut koowulak chi ra chi sa chiru Knido; ab'an li iq' ink'a' kooxkanab' chi ok aran, jo'kan naq kooho chiru ha' junqre Kreta, chi xk'atq Salmone:

Hechos 27:12

Ut li na'ajej a'an moko us ta cho'q re li jukub' re xnumsinkil li hab'alq'e; jo'kan naq q'axal naab'aleb' ke'xk'uub' elk aran: mare anchal te'wulaq Fenis, a'an jun li hilob'aal jukub' re Kreta, li wank sa' xnim ut sa' xtz'e li rokeb'l saq'e.

Hechos 27:13

Yo chi apunk li iq' nachalk sa' rokeb'l li iq', ut eb' a'an ke'xk'oxla naq taaruuq li xk'uub'ahomeb'; ke'elk ut aran, ut koheb' junqre Kreta, nach' rik'in li ch'och' a'an.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Tito 1:5

A'in aj e naq xatinkanab' chaq Kreta, re naq taachoy xk'uub'ankil ru li k'aru toj uxk traj, ut taaxaqab'eb' aj jolominel tenamit sa' li junjunq chi tenamit, jo' chanru xatintaqla wi'.