Sofonías 3:9 - Q'eqchi Bible

⁹ “Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

Li Santil hu

⁹ Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Sofonías 3:9 ပူးပေါင်းရင်းမြစ်များ

Génesis 11:1

Sa'eb' li kutan a'an jun ajwi' chaq li aatinob'aal wank sa' chixjunil li ruuchich'och' ut juntaq'eet li raatineb' sa' li junjunq chi na'ajej.

Isaías 19:18

Sa' ajwi' li kutan a'an oob' reheb' li tenamit sa' xteepal Ejiipt te'aatinaq jo'eb' laj Kanahán ut te'xye xjurament sa' xk'ab'a' li Qaawa', li Nimajwal Yos; ut jun reheb' li tenamit a'an tixk'ab'a'in: “Xtenamit li Saq'e”.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Efesios 4:29

Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

San Mateo 12:35

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Salmos 113:3

Chalen naq na'elk li saq'e toj sa' rokik terq'usinb'ilaq taxaq xk'ab'a' li Qaawa'!

Génesis 4:26

Jo'kan ajwi' laj Set kiwank jun ralal, ut aj Enós kixk'e cho'q xk'ab'a'. A'an kitikib'ank re xyaab'ankil xk'ab'a' li Qaawa'.

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Ezequiel 37:17

Chirix a'an junaji ruheb' re naq junajaq aj chik chi che' sa' laawuq'.

Isaías 6:7

Kixtoch' li xtz'uumal we rik'in li lochlookil ru xam ut kixye: “K'e reetal, rik'in li ru xam a'in xinch'e' li xtz'uumal aawe. Kuyb'il sachb'il chik laamaak”, chan.