Sofonías 3:5 - Q'eqchi Bible

⁵ Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Li Santil hu

⁵ Usta eb li tenamit incꞌaꞌ useb xnaꞌleb, abanan li Dios cuan saꞌ xya̱nkeb ut ti̱c xchꞌo̱l. Aꞌan incꞌaꞌ naxba̱nu cꞌaꞌak re ru incꞌaꞌ us. Rajlal cutan naxcꞌutbesi lix ti̱quilal chiruheb ut junelic naxba̱nu. Abanan li incꞌaꞌ useb xnaꞌleb incꞌaꞌ nequeꞌxnau xuta̱nac.

Sofonías 3:5 ပူးပေါင်းရင်းမြစ်များ

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Lamentaciones 3:23

Rajlal eq'la na'ak'o'k li xrahom: k'ajo' xnimal li xtiikilal xch'ool!

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Isaías 28:19

Rajlal naq taak'ulunq, tolexsach. Wulaj wulaj taachalq cherahob'tesinkil chi q'eq ut chi kutan. Yal rik'in rab'inkil resil li rahilal a'an laa'ex parpotqex xb'aan leexiw.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Romanos 3:26

yal re xk'utb'al sa'eb' li kutan a'in li xtiikilal; naraj naxye, a'an tiik xch'ool ut aj tiikob'resihom re li napaab'ank re li Jesus.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Salmos 37:6

tixk'e chi kutano'k li xtiikilal laawaanm jo' naq nasaqewk, taalemtz'unq li xchaab'ilal laayu'am jo' naq nawa'leb'o'k.

Li xHu LAJ JOB 34:10

Ab'ihomaqin laa'ex li chaab'il eech'ool. Meek'oxla naq li Nimajwal Yos naxb'aanu li maa'usilal ut li ink'a' us.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

San Lucas 12:2

Maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

Sofonías 2:1

Ch'utub'omaq eerib', ex poyanam li maak'a' eexutaan,

Habacuc 1:3

K'a'ut naq nakak'e chiwil li maa'usilal ut li raaxiik' a'in? K'ajo' li rahilal ut li elq'ak! Yalaq b'ar wank li wech'ij ib' ut li yalok.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Isaías 33:2

At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Li xHu LAJ JOB 8:3

Li Nimajwal Yos junelik naxb'aanu chixjunil sa' tiikil ch'oolej.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Li xHu LAJ JOB 7:18

K'a'ut naq nak'aak'ale wulaj wulaj, ut kok'aq xsa' nakatz'il rix?

Salmos 92:15

Te'uuchinq ajwi' sa' xtiixilaleb', toj kawaqeb' ut ninqaqeb' chi junelik.

Ezequiel 18:25

Ut wi laa'ex teeye: «Moko us ta naxb'aanu li Qaawa'», ab'ihomaq, ex aj Israel: Ma ink'a' us li ninb'aanu? Ma ink'a' tab'i' laa'ex li ink'a' us yookex xb'aanunkil?

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.