Sofonías 3:17 - Q'eqchi Bible

¹⁷ Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Li Santil hu

¹⁷ Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Sofonías 3:17 ပူးပေါင်းရင်းမြစ်များ

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Salmos 147:11

naxraheb' b'an li neke'paab'ank re, eb' li k'ojk'ookeb' xch'ool rik'in li xrahom.

Jeremías 32:41

Taasaho'q li waanm chi xb'aanunkil li usilal reheb', ut tink'eheb' chi na'ajunk chi junwaakaj sa' li na'ajej a'in, chi anchal linch'ool ut chi anchal li waanm”.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Deuteronomio 30:9

Toja' naq li Qaawa' laaYos tatrosob'tesi re naq us tat-elq sa' chixjunil laak'anjel; tixnaab'alob'resi eb' laawalal aak'ajol, laaketomq ut laawawimq. Xb'aan naq jun sut chik taaraj li Qaawa' rilb'al xsahil aach'ool, kama' naq kisaho'k xch'ool chi rusilankileb' laana' laayuwa',

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

San Juan 15:11

“Xinye a'in eere re naq li xsahilal inch'ool chiwanq eerik'in ut li xsahilal eech'ool tz'aqalaq re ru.

Isaías 65:19

“Laa'in sahaq inch'ool rik'in Jerusalén, ut lintenamit tixk'e xnimal xsahil li waanm. Ink'a' chik taa'ab'iiq aran li yaab'ak chi moko li q'oqonk.

Números 14:8

Wi li Qaawa' narusila qu, tooxk'am sa' li na'ajej a'an ut tixq'axtesi qe. Xq'emal tz'aqal li ch'och' a'an.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Isaías 18:4

Xb'aan naq jo'ka'in kixye we li Qaawa': “Maak'a' tinye ut yal tin'iloq chaq toj sa' linna'aj, jo'kaqin xtiqwal li saq'e sa' wa'leb', kama'aqin li xchu'ke sa' xq'ehil li q'olok.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Isaías 63:12

ut kirochb'eeni rik'in li xnimal xwankil? Kixjach ru li palaw sa' wiib' chiruheb' re naq nawnooq li xk'ab'a' chi junelik;

Génesis 2:2

Sa' xwuq li kutan li Yos kixraq chixjunil li xk'anjel li xb'aanu, ut kihilank.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Joel 2:21

Matxiwak, at loq'laj ch'och', ut chisaho'q sa' laach'ool xb'aan naq li Qaawa' tixb'aanu xninqal sachb'ach'oolej.

Deuteronomio 23:15

“Ink'a' taaq'axtesi re laj eechal re, laj mun li x'elelik ut xol'okaq aawik'in;

Salmos 78:65

Toja' naq ki'ajk ru li Qaawa' kama' wi' sa' xwara, kama' naq ajaamil ru li kaw rib' chirix li xkalajik.