Sofonías 2:3 - Q'eqchi Bible

³ Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Li Santil hu

³ Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Sofonías 2:3 ပူးပေါင်းရင်းမြစ်များ

Salmos 76:9

Toj sa' choxa xatraqok chaq aatin; k'ajo' naq xxiwak li ruuchich'och' ut mem xkanaak,

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.

Salmos 105:4

Sik'omaq li Qaawa' ut li xwankilal; sik'omaq li xnaq' ru chi junelik.

Oseas 10:12

Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».

Jeremías 39:18

Laa'in tinkoloq aawe chiru li kamk, ut laa'at tatkanaaq chi yo'yo xb'aan naq k'ojk'o laach'ool wik'in», chan li Qaawa'”.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Salmos 57:1

Re li xjolomileb' laj b'ichanel. “Matsachok”. Xsaalm laj David, naq ki'elelik chiru laj Saúl ut koxmuq rib' sa' li ochoch pek.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Jeremías 45:5

Maak'a' aj e naq yookat xsik'b'al xnimal aawankil. Maasik' chik, xb'aan naq ok we chi xtaqlankil xninqal rahilal sa' xb'eeneb' chixjunileb' li poyanam. A'ut laa'at tinkol laayu'am, a' yaal b'ar tatxik. Laa'in, li Qaawa', ninyehok re a'in»”.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

San Mateo 5:5

Us xaq reheb' li tuulaneb', xb'aan naq te'reechani li loq'laj na'ajej yeechi'inb'il xb'aan li Yos.

Salmos 31:20

At Qaawa', k'ajo' xnimal laawusilal cho'q reheb' li neke'loq'onink aawe: nakahoy laarahom sa' xb'eeneb' li neke'muhenk aawik'in, chiruheb' chixjunil li poyanam.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Éxodo 12:27

teeye reheb': «A'an a'in li mayej re li xPaswa li Qaawa'. Naq kixtiq'eb' laj Ejiipt, tiik kinume'k chire rochocheb' laj Israel aran Ejiipt, ut kixkol li qochoch», cha'qex”. Toja' naq li tenamit ke'xhupub' rib' chi loq'onink.

1 Ts 4:10

Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq.

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.

2 Samuel 12:22

Kichaq'ok laj David: “Naq toj yo'yo link'uula'al, xin'ayuunik ut xinyaab'ak, xb'aan naq xinye sa' inch'ool: Chan taxaq naq xruxtaana wu li Qaawa' ut ink'a' taakamq link'uula'al.

Salmos 45:4

Laa'at li kaw aawib', k'e laach'iich' sa' xk'aamal aasa': a'an reetalil laawankil ut laaloq'al.

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Ezequiel 13:5

Tik maak'a' xe'xb'aanu re xkolb'aleb' laj Israel, chi moko xe'xwaklesi li xsuttz'akil li tenamit, re tixkuy xnumsinkil li raaxiik' sa' xkutankil li Qaawa'.