Sofonías 2:2 - Q'eqchi Bible

² naq toj maji' nekexrume'k chi najt, jo' na'uxk re li k'im li nasachk chiru jun kutan. Junajiiq eerib' rub'elaj naq taachalq sa' eeb'een li xnimal xjosq'il li Qaawa', naq toj maji' nawulak xkutankil li xjosq'il li Yos.

Li Santil hu

² Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru.

Sofonías 2:2 ပူးပေါင်းရင်းမြစ်များ

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Isaías 17:13

Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Salmos 1:4

Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Li xHu LAJ JOB 21:18

Ma xe'cha'cha'iik tab'i' jun sutaq jo' nak'ame'k li k'im xb'aan li iq', jo' nasaapuuk li xmoqoj ixim xb'aan li kaqsut-iq'?

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Ezequiel 12:25

Xb'aan naq laa'in, li Qaawa', tin'aatinaq, ut li k'aru tinye taak'ulmanq chi junpaat. Ex q'etq'etil tenamit, laa'ex teeril a'in rik'in leeru: tinye jun t'orolaq li waatin ut relik chi yaal naq taatz'aqloq ru”, chan li Qaawa'.

Jeremías 23:20

Maajoq'e taaraqe'q li xjosq'il li Qaawa' toj tixb'aanu li k'aru wank sa' xch'ool xb'aanunkil. Taawulaq xkutankil naq laa'ex toxeetaw xyaalal eb' a k'a'aq re ru a'in.

Salmos 50:22

“Chetawaq xyaalal laa'ex li nikineetz'eq chirix leech'ool: mare anchal texint'upi ut maajun taakoloq eere.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.