Sofonías 1:3 - Q'eqchi Bible

³ Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.

Li Santil hu

³ Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Sofonías 1:3 ပူးပေါင်းရင်းမြစ်များ

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Ezequiel 7:19

Te'xpaji li plaat sa'eb' li b'e ut te'xkuti li oor jo' tawi' li mul. Li oor ut li plaat li wank rik'ineb', ink'a' te'kole'q xb'aan sa' xkutankil xjosq'il li Qaawa'. Ink'a' tixkotz li xtz'okajikeb' chi moko tixk'ojob' li xch'ooleb', xb'aan naq li b'ihomal xk'amok reheb' chi maakob'k.

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

San Mateo 23:39

Ninye eere naq ink'a' chik teeril wu toj reetal teeye: «Usilaatinanb'il li xchalk sa' xk'ab'a' li Qaawa'!»”.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Ezequiel 44:12

Xb'aan naq eb' a'an xe'k'anjelak chiruheb' li jalanil yos ut a'aneb' xe'k'amok xb'eheb' laj Israel chi maakob'k. Jo'kan naq te'xtoj rix li xmaakeb'. Laa'in, li Qaawa', xinyehok re a'in.

San Mateo 13:41

Li K'ajolb'ej tixtaqlaheb' chaq li x'ánjel, ut eb' a'an tole'xxok ut tole'risi sa' li x'awab'ejihom chixjunileb' laj luktesinel ch'oolej ut eb' laj b'aanuhom maa'usilal,

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 6:12

toj te'isiiq chixjunileb' li poyanam xb'aan li Qaawa' ut yamyotq tkanaaq li xna'ajeb'.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.