Sofonías 1:18 - Q'eqchi Bible

¹⁸ Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Li Santil hu

¹⁸ Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Sofonías 1:18 ပူးပေါင်းရင်းမြစ်များ

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Ezequiel 7:19

Te'xpaji li plaat sa'eb' li b'e ut te'xkuti li oor jo' tawi' li mul. Li oor ut li plaat li wank rik'ineb', ink'a' te'kole'q xb'aan sa' xkutankil xjosq'il li Qaawa'. Ink'a' tixkotz li xtz'okajikeb' chi moko tixk'ojob' li xch'ooleb', xb'aan naq li b'ihomal xk'amok reheb' chi maakob'k.

Proverbios 11:4

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Sofonías 1:15

A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,

Sofonías 1:11

Yaab'anqex laa'ex li wankex taq'a, xb'aan naq te'kamq chixjunileb' laj k'ay ut te'sache'q chixjunileb' laj jalol ru tumin.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

1 Reyes 14:22

Eb' laj Judá ke'xb'aanu li ink'a' nawulak chiru li Qaawa'; ut q'axal wi' chik ke'xchiq' xjosq'il li Qaawa' chiru li maak ke'xb'aanu li xna' xyuwa'eb',

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Proverbios 18:11

Sa' xch'ool li b'ihom naq li k'aru wank re a'an chanchan jun tenamit suttz'akanb'il chi us.

Salmos 79:5

Toj jo' najtil chik yooq laajosq'il, at Qaawa'? Ma junelik taak'atoq laajosq'il kama' li xam?

Li xHu LAJ JOB 21:30

“Sa' xkutankil li raaxiik', nakole'k li ink'a' us xna'leb'; naq li Yos najosq'o'k, maak'a' naxk'ul laj maak”?

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Ezequiel 7:5

“Laa'in li Qaawa' ninye chi jo'ka'in: Chalk re jun nimla rahilal, naab'al li rahilal taachalq sa' aab'een.

Ezequiel 7:11

Yo chi pukank li raaxiik' yalaq b'ar ut k'ajo' li maa'usilal naxk'am chaq!

Ezequiel 23:25

Twisi linjosq'il sa' aab'een re naq kaw tate'xrahob'tesi: te'xset laawu'uj ut eb' laaxik; ut eb' li te'kole'q sa' xyanqeb' laakomon, te'kamsiiq chi ch'iich'. Te'relq'a eb' laawalal aak'ajol, ut eb' li te'kanaaq aawik'in, xam taasachoq reheb'.

Sofonías 2:2

naq toj maji' nekexrume'k chi najt, jo' na'uxk re li k'im li nasachk chiru jun kutan. Junajiiq eerib' rub'elaj naq taachalq sa' eeb'een li xnimal xjosq'il li Qaawa', naq toj maji' nawulak xkutankil li xjosq'il li Yos.

Li xHu LAJ JOB 3:15

malaj wochb'eeneb' laj jolominel li neke'xnujob'resi li rochocheb' rik'in oor ut plaat.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.