Sofonías 1:17 - Q'eqchi Bible

¹⁷ Jo'ka'in xye li Qaawa': “Tinrahob'tesi xch'ooleb' li poyanam ut te'b'eeq sa' mutz'il, xb'aan naq xe'maakob'k chiwu. Taahoye'q li xkik'eleb' jo' li pojtz', ut li xtib'eleb' kama'aq aj chik li k'ot”.

Li Santil hu

¹⁷ Quixye li Ka̱cuaꞌ: —Tinqꞌueheb saꞌ raylal chixjunileb laj Judá ut eb laj Jerusalén. Chanchanakeb li mutzꞌ nak teꞌxyal raj xsicꞌbal bar teꞌxic chixcolbaleb rib, abanan incꞌaꞌ teꞌru̱k xban nak xeꞌma̱cob chicuu. Lix quiqꞌueleb ta̱hoyekꞌ ut aran ta̱osokꞌ saꞌ li poks ut lix tibeleb ta̱kꞌa̱k ut aran ta̱osokꞌ, chan li Ka̱cuaꞌ.

Sofonías 1:17 ပူးပေါင်းရင်းမြစ်များ

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Salmos 83:10

Chab'aanu taxaq reheb' jo' xab'aanu reheb' laj Madián, jo' xab'aanu re laj Sísara ut laj Jabín chire li nima' Kisón.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

2 Pedro 1:9

Ani maak'a' li maatan a'in sa' xch'ool, a'an mutz' ut ink'a' saqenk na'ilok, ak xtz'eqom chirix xch'ool naq ke'ch'ajob'resiik eb' li xnajteril maak.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

Romanos 11:7

K'a' put ru chi jo'kanan? Laj Israel ink'a' kixtaw li k'aru yo chaq chi xsik'b'al; ut a' chik li sik'b'ileb' ru ke'tawok re. Eb' li junch'ol chik ke'kawub'resiik li xch'ool,

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Lamentaciones 2:21

Eb' li kok'al ut eb' li cheekel winq neke't'anaxinje'k chi ch'och'el; eb' linsaaj al ut eb' li tuq'ixq xe'kamsije'k chi q'esnal ch'iich'. K'ajo' xakamsiheb' sa' xkutankil laajosq'il, ut ink'a' xawil xtoq'ob'aal ruheb'!

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Lamentaciones 1:14

Li Qaawa' xch'utub' ru chixjunileb' linmaak sa' inb'een, kama' najit'mank junaq iiq chinkux. Maak'a' chik inmetz'ew ut ink'a' chik ninkuy. Li Qaawa' xq'axtesink we sa' ruq'eb' a'an, ut ink'a' ninkuy xsumenkileb'.

Lamentaciones 1:8

Q'axal xmaakob'k li tenamit Jerusalén, jo'kan naq xk'ulub' li tz'eqtaanaak. Jo'k'ihaleb' li xe'k'ehok xloq'al junxil, anaqwan neke'xtz'eqtaana, xb'aan naq xe'ril chi t'ust'u. Jo'kan naq nayaab'ak ut naxmuq rib' xb'aan xxutaan.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Jeremías 10:18

Jo'ka'in naxye li Qaawa': “Anaqwan twaanilasiheb' chi najt li wankeb' sa' li na'ajej a'in; relik chi yaal naq tinrahob'tesiheb' re rilb'al ma tine'xtaw wi' chik”.

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Ezequiel 24:7

K'ajo' li kamsink x'uxmank aran! Li kik' xb'eek roq sa' xb'eeneb' li pek ut ink'a' xhoye'k chiru li ch'och'; a' raj li pojtz' xtz'ub'uk re li kik' a'an.

Ezequiel 24:8

Laa'in xinkanab' li kik' aran sa' xb'eeneb' li pek re naq ink'a' taaruuq tz'ub'e'k xb'aan li pojtz', ut chi jo'kan twisi linjosq'il ut tin'eeqajunq sa' xb'een Jerusalén.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.