Sofonías 1:14 - Q'eqchi Bible

¹⁴ Xnach'ok chaq li xnimla kutankil li Qaawa'; ak xseeb'ank ut nach' chik wank. Naq taawulaq li kutan a'an, xiwajelaq li japok e: tixjap ajwi' re chi yaab'ak li jwal kaw rib'.

Li Santil hu

¹⁴ Yo̱ chi cuulac xkꞌehil nak ta̱rakok a̱tin li Ka̱cuaꞌ. Ac yo̱ chi nachꞌoc chak li cutan aꞌan. Kꞌaxal ra teꞌxcꞌul saꞌ li cutan aꞌan. Usta kꞌaxal cauheb rib, abanan teꞌxjap ajcuiꞌ re xbaneb xxiu chiru.

Sofonías 1:14 ပူးပေါင်းရင်းမြစ်များ

Malaquías 4:5

“K'ehomaq reetal. Tintaqla eerik'in li propeet Elías rub'elaj li xKutankil li Qaawa', a'an xnimal ru kutan ut q'axal xiwajel ajwi'.

Ezequiel 30:3

xb'aan naq ak xnach'ok chaq xkutankil li Qaawa'. Jwal aak'ab'aq ru li kutan a'an, xkutankil li raqb'a aatin sa' xb'eeneb' li tenamit.

Sofonías 1:7

Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

Ezequiel 7:12

Xtaw xq'ehil ut xwulak li xkutankil. Ink'a' chisaho'q xch'ool li naloq'ok chi moko chiyaab'aq li nak'ayink, xb'aan naq tinsach ru chixjunileb' li poyanam xb'aan linjosq'il.

Isaías 33:7

Ab'ihomaq! Eb' li kaweb' rib' yookeb' chi yaab'ak sa'atqeb' li b'e, ut eb' laj yehol resil li tuqtuukilal namayok li xch'ooleb' chi yaab'ak.

Isaías 15:4

Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Hechos 2:20

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xnimal xkutankil li Qaawa'.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Amós 8:2

“K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Sofonías 1:10

Jo'ka'in xye li Qaawa': “Sa' li kutan a'an taa'ab'imanq xyaab' kuxej chi xtz'aamankil xtenq'ankileb' chalen toj sa' li Okeb'aal reheb' li kar. Japjo'qeb' re chi tz'uyink sa' li Ak' Na'ajej ut taa'ab'iiq xyaab'eb' li tzuul li yooqeb' chi uq'e'k.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Ezequiel 12:23

Ye ut reheb': «Li Qaawa' naxye chi jo'ka'in: Laa'in ink'a' chik tinkanab' chi yehe'k li aatin a'an sa' li tenamit Israel». Ye ajwi' reheb' naq ak xwulak xkutankil naq taatz'aqloq ru li rilomeb' li propeet sa' moy u.

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Jeremías 25:36

Japjookeb' re chi yaab'ak eb' laj k'aak'alenel karneer, q'axal ra wankeb' laj iloleb' ketomq, xb'aan naq li Qaawa' yo chi xsachb'al chixjunil li raxpim.

Isaías 66:6

Yo li choqink sa' li tenamit, na'ab'imank xyaab' kuxej sa' rochoch li Yos: a'an li xyaab' xkux li Qaawa' li yo chi xq'ajkamunkileb' li xik' neke'ilok re.

Hebreos 12:26

Li xyaab' xkux li Yos kireek'asi li ruuchich'och' naq ki'aatinak, ab'an anaqwan naxye qe: “Jun sut chik tweek'asi moko ka'aj ta wi' li ruuchich'och', tweek'asi aj b'an wi' li choxa”.

Filipenses 4:5

Li xtuulanil eech'ool chik'utunq chiruheb' chixjunil. Li Qaawa' ak nach' wan chaq.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

Joel 3:14

K'ajo' xk'ihaleb' li tenamit sa' li taq'a b'arwi' twanq li raqok aatin! Xb'aan naq nach' chik wank li xKutankil li Qaawa' sa' xtaq'ahil li raqok aatin.

Jeremías 46:5

Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.