Proverbios 8:21 - Q'eqchi Bible

²¹ re xb'ihomob'resinkil eb' li neke'rahok we ut xnujob'resinkil li rochocheb' chi sahil eechej.

Li Santil hu

²¹ Eb li nequeꞌcuulac chiruheb xba̱nunquil li cha̱bil naꞌleb nequeꞌxcꞌul xma̱taneb ut xbiomaleb.

Proverbios 8:21 ပူးပေါင်းရင်းမြစ်များ

1 Pedro 1:4

re reechaninkil li maatan ink'a' nalajk na'oso'k, li ink'a' natz'ajniik chi moko naq'aak, a' li ak kawresinb'il sa' choxa cho'q eere

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

Proverbios 24:4

Rik'in naab'al li nawom na'uutz'u'ujiik xsa' li rochoch, jo' ajwi' nanujak rik'in li k'a'aq re ru terto xtz'aq ut jwal ch'ina'us rilb'al.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Hebreos 10:34

Laa'ex xewotz chaq xrahilaleb' li xe'wank sa' tz'alam, ut chi sa sa' eech'ool xekuy ajwi' naq xmaq'e'k li k'aru eere, xb'aan naq nekenaw naq sa' choxa wank eeb'ihomal q'axal chik loq' ut ink'a' taalajq taa'oso'q.

Proverbios 1:13

Chi jo'kan tqeechani k'iila paay chi sahil eechej, tqanujob'resi li qochoch ut toob'ihomo'q.

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Proverbios 8:18

Wik'in wankeb' li b'ihomal ut li loq'al, li sahilal ut li tiikil ch'oolej.

Proverbios 6:31

ab'an wi natawe'k chi elq'ak, tento tixk'e wuqub' wa chik xk'ihal li reeqaj, jo'wi' chixjunil li xjunkab'lal.

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Proverbios 10:22

Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Proverbios 15:6

Sa' rochoch li tiik xch'ool k'ajo' li chaab'il eechej; a'ut li ink'a' us xna'leb' maak'a' aj e li k'aru nareechani.

Proverbios 21:20

Sa' rochoch li wank xna'leb' wank b'ihomal ut sununkil b'an; a'ut li maak'a' xna'leb' yal naxb'atz'unle li xtumin.