Proverbios 8:19 - Q'eqchi Bible

¹⁹ Jwal chaab'il li ninyeechi'i chiru li chaab'il oor; ut li ninsi laa'in, a'an q'axal loq' wi' chik chiru li plaat.

Li Santil hu

¹⁹ Li cha̱bil naꞌleb li ninqꞌue la̱in, aꞌan kꞌaxal us chiru li oro li numsinbil saꞌ xam. Li cha̱bil naꞌleb li ninyechiꞌi la̱in, kꞌaxal us chiru li tzꞌakal plata.

Proverbios 8:19 ပူးပေါင်းရင်းမြစ်များ

Proverbios 10:20

Tz'aqal plaat li k'aru naxye li tiik xch'ool; a'ut maak'a' na'ok wi' li xk'a'uxl li ink'a' us xch'ool.

Proverbios 3:14

A'an jwal us wi' chik chiru xk'eeb'al li tumin sa' yakleb'aal tumin; jwal terto xtz'aq chiru li oor.

Eclesiastés 7:12

Li chaab'il na'leb' natenq'ank qe; jo'kan ajwi' li tumin. Ab'anan najtaq roq li qayu'am wi wank qachoxahil na'leb'.

Proverbios 8:10

Meesik' li plaat ut li oor, sik'omaq b'an eena'leb' ut leetijb'al.

Li xHu LAJ JOB 28:15

Ink'a' natawmank li choxahil na'leb' rik'in chaab'il oor; chi moko naru xtojb'al rik'in plaat.

Li xHu LAJ JOB 28:19

Moko juntaq'eet ta rik'in li topasio nachalk Kus, chi moko naru xtojb'al rik'in li chaab'il oor.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.