Proverbios 8:11 - Q'eqchi Bible

¹¹ Xb'aan naq q'axal loq' li chaab'il na'leb' chiru li ch'ina'usil pek, ut ink'a' naru xjuntaq'eetankil rik'in li b'ihomal.

Li Santil hu

¹¹ Kꞌaxal us xsicꞌbal li cha̱bil naꞌleb chiru li terto̱quil pec li chꞌinaꞌus. Li cha̱bil naꞌleb ma̱ jokꞌe naru xjuntakꞌe̱tanquil riqꞌuin li cꞌaꞌru nakara ru arin saꞌ ruchichꞌochꞌ.

Proverbios 8:11 ပူးပေါင်းရင်းမြစ်များ

Salmos 119:127

Jo'kan naq jwal ninra laachaq'rab'; q'axal ninra chiru li tz'aqal oor.

Salmos 19:10

Li roxloq'inkil li Qaawa' loq' ut maak'a' xmuxul, xaqxo xwankil chi junelik. Chixjunil li xchaq'rab' li Qaawa' a'an tz'aqal yaal, wankeb' xloq'al ut xtiikilal,

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.

Proverbios 20:15

Wank li oor ut naab'al li chaab'il q'ol; ab'an q'axal loq' wi' chik li chaab'il na'leb'.

Salmos 119:72

Jwal loq' chiwu li aatin na'elk chi xtz'uumal aawe chiru li k'iila o'q'ob' chi oor ut plaat.

Salmos 119:103

K'ajo' xki'al laawaatin naq naweek'a: naxq'ax ru xsahil li xya'al kab'.

Proverbios 31:10

Jwal ch'a'aj xtawb'al junaq ixq chaab'il xna'leb'; q'axal loq' wi' chik chiru li lemtz'il q'ol.

Eclesiastés 7:11

Li chaab'il na'leb', a'an us cho'q reheb' li wankeb' sa' ruuchich'och'. Ab'an q'axal wi' chik us naq wank qana'leb' ut b'ihomo ajwi'.

Deuteronomio 30:13

Chi moko wank ta chaq toj junpak'al li palaw, re naq taaye: «Ani qe taaxik junpak'al li palaw, re naq tixk'am chaq ut tqab'i ut tqak'anjela ru?».