Proverbios 30:9 - Q'eqchi Bible

⁹ Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Li Santil hu

⁹ Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Proverbios 30:9 ပူးပေါင်းရင်းမြစ်များ

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

San Mateo 26:74

Toja' naq ki'ok chi majewank ut chi xyeeb'al rik'in jurament: —Ink'a' ninnaw ru li winq a'an. Tikto kiyaab'ak jun li tzo' kaxlan.

San Mateo 26:72

Kitik'ti'ik wi' chik laj Pedro rik'in jurament: —Ink'a' ninnaw ru li winq a'an, chan.

Josué 24:27

ut kixye reheb' chixjunil li tenamit: “Chek'e reetal, li pek a'in a'inaq testiiw chiqix, xb'aan naq xrab'i chixjunil li aatin kixye li Qaawa' chiqix laa'o. A'anaq testiiw cherix, re naq ink'a' teetz'eqtaana leeYos”, chan.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.

Levítico 5:1

“Wi junaq taab'oqe'q chi aatinak jo' testiiw chirix li k'aru xril malaj xrab'i, ut ink'a' taaraj xyeeb'al, a'an wank xmaak ut tento taariiqani li maak a'an.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Salmos 125:3

Ink'a' taawanq xwankileb' laj maak chi junelik sa' xch'och'eb' li tiikeb' xch'ool. Mare anchal te'ch'inanq xch'ool li xtenamit li Yos ut te'xtikib' xb'aanunkil li maa'usilal.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Ezequiel 23:35

“Jo'kan naq laa'in, li Qaawa', ninye chi jo'ka'in: Sa' xk'ab'a' naq xinaatz'eq chirix laach'ool ut xinaakanab', jo'kan naq taatoj rix laamaa'usilal ut laayib' aj b'aanuhom”.