Proverbios 30:4 - Q'eqchi Bible

⁴ Ani kitaqe'k sa' choxa ut kikub'e chaq wi' chik? Ani kixmoch'o li iq' sa' li ruq'? Ani kilanok re li ha' sa' t'ikr ut kixk'ojob' xnub'ajlil li ruuchich'och'? Ye we ani xk'ab'a' a'an ut ani xk'ab'a' li ralal.

Li Santil hu

⁴ ¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Proverbios 30:4 ပူးပေါင်းရင်းမြစ်များ

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

Li xHu LAJ JOB 26:8

Naxtz'ap li ha' sa'eb' li choql, ut li choql naxkuy li raalal.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Deuteronomio 30:12

Moko sa' choxa ta wan chaq, ut ink'a' naru taaye: «Ani taataqe'q sa' choxa sa' qak'ab'a' laa'o, re naq tixk'am chaq ut taaqab'i ut taaqak'anjela ru?».

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Romanos 10:6

Ut chirix li tiikil ch'oolej li nachalk sa' xk'ab'a' li paab'aal naxye li Santil Ho chi jo'ka'in: “Maaye sa' aach'ool: «Ani taataqe'q sa' choxa?» -a'an jo' ruuchil xb'oqb'al li Kriist re naq taakub'eeq chaq-;

Deuteronomio 28:58

“Wi ink'a' taak'e aach'ool chi xk'anjelankil chixjunil li raatinul li chaq'rab' a'in, li tz'iib'anb'il sa' li tasb'il hu a'in, ut wi ink'a' taawoxloq'i li xloq'laj k'ab'a' li Qaawa' laaYos, li Nimajwal,

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Jueces 13:18

Kichaq'ok li x'ánjel li Qaawa': “K'a' naq nakapatz' we link'ab'a'? A'an q'axal loq'”, chan.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Salmos 24:2

Re li Qaawa' chixjunil li ruuchich'och' jo'wi' eb' li neke'hilank chisa'. A'an kixaqab'ank re li ruuchich'och' sa' xb'een li palaw, a'an kik'ojob'ank re sa' xb'eeneb' li nima'.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

Éxodo 15:10

Laa'at xataqla chaq laamusiq', ut ke'muqunk rub'el li palaw; chanchan raxch'iich' naq ke'sub'e'k sa' xnimal ru li ha'.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Isaías 45:18

Xb'aan naq jo'ka'in naxye li Qaawa', laj yoob'tesihom re li choxa, A'an tz'aqal Yos, li kik'uub'ank ut kiyiib'ank re li ruuchich'och', ut kixk'ojob' sa' xna'aj; moko kixyiib' ta chi maak'a' xyaalal, re b'an naq taatenamito'q: “Laa'in li Qaawa' ut maak'a' chik junaq chiwu laa'in.

Li xHu LAJ JOB 11:7

Ma nakak'oxla naq taataw ru li xchamal xk'a'uxl li Yos ut li xtiikilal xch'ool li Nimajwal?

Li xHu LAJ JOB 11:8

Maajoq'e toxaanaw ut toxaataw ru: a'an q'axal najt xteram chiru li choxa, numtajenaq cham chiru li xna'ajeb' li kamenaq,