Proverbios 3:32 - Q'eqchi Bible

³² xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Li Santil hu

³² Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Proverbios 3:32 ပူးပေါင်းရင်းမြစ်များ

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Proverbios 11:20

Li Qaawa' xik' narileb' li yib'ru xna'leb'eb', ab'an nasaho'k xch'ool rik'ineb' li chaab'ileb' xyu'am.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Proverbios 17:15

Rach'ab'ankil li xmaakob'k ut xteneb'ankil maak sa' xb'een li maak'a' xmaak, ink'a' nawulak chiru li Qaawa'.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

Salmos 18:26

At Qaawa', laa'at aj uxtaan rik'in li na'uxtaanank u, ut tiik laach'ool rik'in li tiik xch'ool;

Li xHu LAJ JOB 29:4

Wankin chaq sa' linsaajilal ut li Yos xril linjunkab'lal;

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Proverbios 14:10

Li junjunq naxnaw li xrahilal xch'ool; ut maa'ani taatz'aqonq rik'in xsahil xch'ool.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Isaías 41:24

Ab'anan moko yosex ta ut maak'a' nekex'ok wi': maak'a' k'a' ru teeb'aanu. Tz'eqtaananb'ileb' chi junajwa eb' li neke'sik'ok eere.