Proverbios 3:3 - Q'eqchi Bible

³ B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

Li Santil hu

³ Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

Proverbios 3:3 ပူးပေါင်းရင်းမြစ်များ

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Proverbios 7:3

Chatz'ejwali aawib' rik'in, ut maatz'eq chirix laawaanm.

Hebreos 10:16

“A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

Proverbios 6:21

Chatz'iib'a sa' laawaanm ut chiwanq sa' laak'a'uxl jo' junaq chaab'il q'ol chakux laa'at.

Malaquías 2:6

Laj Leví kixch'olob' chi tz'aqal re ru li yaal ut maajun maa'usilal ki'elk chi xtz'uumal re; kinrochb'eeni rik'in tuqtuukilal ut tiikil ch'oolej, ut naab'al kixkoleb' chiru li maak.

Efesios 5:9

Xb'aan naq li naruuchin li saqenk a'an chixjunil li chaab'ilal, tiikilal ut li yaal.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.

Proverbios 20:28

Li rahok ut li uxtaanank nak'aak'alenk re li awab'ej; xaqxooq xwankil chi kaw wi chaab'il ut tiik xch'ool li awab'ej.

Proverbios 1:9

xb'aan naq li raatin laana' laayuwa' jo'kaq junaq koroon sa' laajolom, jo'kaq junaq chaab'il q'ol chakux laa'at.

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

Salmos 25:10

Chixjunil li xb'e li Qaawa' a'an rahok ut yaal cho'q reheb' li neke'paab'ank re li xsumwank ut li xchaq'rab'.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Jeremías 17:1

“Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Deuteronomio 6:8

Taab'ak'eb' chawuq' jo' junaq eetalil ut letz chapeekem re naq jultikaq aawe.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

2 Samuel 15:20

Ewer xatchalk. Ma tinmin tab'i' aawu chi xik chiqix laa'o li ink'a' ajwi' naqanaw b'ar xik qe? Ayu ut k'ameb' chawix laawech tenamitul. A' taxaq li Qaawa' chi'osob'tesinq ut chi'ochb'eeninq aawe”.

Salmos 85:10

Nach' chik wank li kolb'a ib' cho'q reheb' li neke'paab'ank re; li xloq'al li Qaawa' taahilanq sa' qana'aj.

Proverbios 14:22

Li junes maa'usilal neke'xk'uub', xjuneseb' rib' te'sachq; eb' li neke'b'aanunk li usilal, raab'ileb' ut oxloq'inb'ileb'.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!