Proverbios 3:24 - Q'eqchi Bible

²⁴ Maak'a' taaxiwa naq tatyoklaaq; ut naq akaq xatsotlaak, sa tatwarq.

Li Santil hu

²⁴ Nak texyocla̱k, ma̱cꞌaꞌak le̱ xiu ut sa texcua̱rk.

Proverbios 3:24 ပူးပေါင်းရင်းမြစ်များ

Salmos 3:5

Ninyaab'a xk'ab'a' li Qaawa', ut a'an nikinxsume chalen chaq toj sa' li xloq'laj tzuul.

Salmos 4:8

At Qaawa', naab'al chik xsahil linch'ool xak'e we chiru xchamal xsasal li xtriiweb' ut li x'ak' b'iineb'.

Proverbios 6:22

A'an tk'amoq aab'e naq tatb'eeq; tatxk'aak'ale naq tatsotlaaq; ut taaseeraq'iq aawik'in naq taa'ajq aawu.

Jeremías 31:26

Toja' naq ajaamil wu ut kiwulak chiwu linmatk'.

Li xHu LAJ JOB 11:19

Maak'a' taaxib'esinq aawe naq yooqat chi hilank, ut naab'aleb' te'chalq chi xpatz'b'al aawe xtenq'ankileb'.

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!

Ezequiel 34:15

Laa'in ajwi' tinb'eresinq reheb' linkarneer ut teb'ink'am chi hilank -chan li Qaawa'-.

Hechos 12:6

Haye'k re xhonalil naq taak'ute'q laj Pedro chiruheb' li tenamit xb'aan laj Herodes, ut sa' ajwi' li q'oqyink a'an yo chi wark sa' xyiheb' wiib'eb' aj puub', b'ak'b'o rik'in wiib' chi kareen. Wankeb' ajwi' aj k'aak'alenel chire li tz'alam,

Salmos 112:8

K'ojk'o li xch'ool ut ink'a' naxiwak, toj toxril chi sache'k eb' li xik' neke'ilok re.

Proverbios 1:33

A'ut li naxk'e xch'ool chi wab'inkil taawanq xyu'am sa' tuqtuukilal; sa taawanq ut ink'a' taaxiwaq xb'aan li rahilal”.

Eclesiastés 5:12

Sa nawark li ani nak'anjelak, us ta naab'al naxtzeka malaj b'a'b'ay ajwi'. Ab'anan li b'ihom ink'a' nawark chi xk'oxlankil li k'aru wank re.

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.

Salmos 3:6

Ninyoklaak, ninwark ut na'ajk wu, xb'aan naq li Qaawa' natenq'ank we.

Salmos 91:5

Ink'a' taaxiwa li ch'a'ajkilal nachalk sa' li q'oqyink chi moko li xiik'ilal nawank chiru li kutan;

Proverbios 19:23

Li roxloq'inkil li Qaawa' nak'ehok yu'am; chi jo'kan sa li hilank ut maak'a' xiwak.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.