Proverbios 27:9 - Q'eqchi Bible

⁹ Li aseeyt ut li sununkil b'an nak'ehok sahil ch'oolej; li chaab'il na'leb' naxk'e junaq amiiw, naxsahob'resi li aanmej.

Li Santil hu

⁹ Li sununquil ban naxqꞌue sahil chꞌo̱lej. Ut naxqꞌue ajcuiꞌ xsahil xchꞌo̱l li cha̱bil naꞌleb li nequeꞌxqꞌue li amigos.

Proverbios 27:9 ပူးပေါင်းရင်းမြစ်များ

Proverbios 16:21

Li ani naxnaw k'oxlak, “wank xna'leb'” nayeemank re; li aatinak sa' q'unil nak'ojob'ank ch'oolej.

Salmos 23:5

Nakak'uub' jun li meex cho'q we chiruheb' li xik' neke'ilok we; ut nakayul linjolom rik'in sununkil b'an. K'ajo' naq natz'iptz'otk xsa' linsek'!

Proverbios 15:23

K'ajo' sahilal naq na'uxk aatinak sa' q'unil aatin; ut jwal us wi' chik wi na'uxk sa' xhonalil.

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

San Juan 12:3

Toja' naq lix María kixk'am chaq jun liib'r chi sununkil b'an, tz'aqal naard ut q'axal terto xtz'aq; kixyul chiruheb' li roq li Jesus ut kixchaqihob'resiheb' rik'in rismal xjolom. Ut kinujak xsa' li kab'l rik'in xb'ook li sununkil b'an.

Salmos 133:2

A'an chanchan sununkil b'an li nahoymank sa' xb'een jolomej ut nakub'eek toj chi xmach, toj chi xmach laj Aharón, chire chixjunil li raq'.

Jueces 9:9

Kichaq'ok li oliiw ut kixye: «Ma tinkanab' tab'i' xk'eeb'al li aseeyt li nanimaak wi' ruheb' li yos ut eb' li winq, re naq tinxik chi xb'eeninkil wib' sa' xb'eeneb' li che'?», chan.

Hechos 28:15

Naq eb' laj paab'anel aj Roma ke'rab'i qesil, ke'elk chaq chi qak'ulb'al toj sa' li xK'ayiil laj Apio ut sa' li na'ajej Oxib' chi Wa'leb'aal xk'ab'a'. Naq laj Pablo kirileb' ru, kiyoxink chiru li Yos ut kikawuuk xch'ool.

Cantares 1:3

q'axal sa chik chiru rutz'b'al laasununkil b'an! Laa'at jo'kat sununkil b'an li nahoye'k, jo'kan naq nakate'xra eb' li ixqa'al.

Proverbios 7:17

xink'e ajwi' sununkil b'an chiru, yiib'anb'il rik'in miir ut kaneel.

Salmos 141:5

Chinxq'us ta ut chinxtij li tiik xch'ool xb'aan inraab'al; a'ut maajoq'e taxaq chixyul linjolom li xsununkil b'an li ink'a' us xna'leb', re naq ink'a' tintz'aqonq rik'in li xmaa'usilal.

1 Reyes 1:12

Anaqwan wi taawaj xkolb'al laayu'am ut li xyu'am laj Salomón laayum, b'aanu li ok we xyeeb'al aawe.