Proverbios 23:4 - Q'eqchi Bible

⁴ Maatawasi aawib' chirix li b'ihomal, maakamsi aawib' chi xk'oxlankil a'an,

Li Santil hu

⁴ Li xcuuk li naꞌleb, aꞌan aꞌin: Me̱tacuasi e̱rib chixsicꞌbal le̱ biomal chi moco chi xic e̱chꞌo̱l chirix li cꞌaꞌru cuan e̱re.

Proverbios 23:4 ပူးပေါင်းရင်းမြစ်များ

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Proverbios 28:20

Li tiik xch'ool, naab'aleb' neke'osob'tesink re; a'ut li nab'ihomo'k chi junpaat, toxtoj rix li xmaak.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

Proverbios 3:5

K'ojk'ooq aach'ool rik'in li Yos chi junelik, ut maawa' rik'in laak'a'uxl laana'leb'.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Proverbios 15:27

Li narataw b'ihomo'k naxsach li xjunkab'lal; ab'an li ink'a' naraj tuminaak ru najtaq roq li xyu'am.

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Proverbios 3:7

Maaye aawib' naq k'ajo' aana'leb'; chawoxloq'i li Qaawa' ut chatz'eqtaana li ink'a' us.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

San Marcos 4:19

ab'an li k'oxlak chirix li k'a'aq re ru wank sa' ruuchich'och', li nab'alaq'ink wi' li b'ihomal ut li ratawankil li k'a'aq chik re ru na'ok sa' xch'ooleb', naxnat' li Aatin ut ink'a' chik na'uuchink xb'aan.

Li xHu LAJ JOB 27:19

Sa sa' xch'ool naq taayoklaaq chi wark, us ta junsut aj chik; ab'an naq taa'ajq ru, maak'a' chik wanq re.

Proverbios 27:24

xb'aan naq li b'ihomal ut li sahil eechej moko neke'wank ta junelik.

Eclesiastés 5:13

Wank jun chik ch'a'ajkilal ak xwil arin sa' ruuchich'och': a'an li xxokb'al naab'al li b'ihomal yal re naq laj eechal re tixk'ul rahilal moqon.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.