Proverbios 22:16 - Q'eqchi Bible

¹⁶ Li narahob'tesink re li neb'a' re naq taab'ihomo'q, jo' ajwi' li nasihink re li b'ihom, toxneb'a'o'q.

Li Santil hu

¹⁶ Ta̱cuulak xkꞌehil nak ta̱nebaꞌokꞌ li ani nabiomoꞌ xban xrahobtesinquil li nebaꞌ. Ut li ani naxqꞌue xtumin re li biom ta̱cana̱k saꞌ nebaꞌil.

Proverbios 22:16 ပူးပေါင်းရင်းမြစ်များ

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Proverbios 28:3

Li neb'a' li naxtawasi li rech neb'a'il, a'an chanchan li kawil hab' nasachok li awimq.

Proverbios 14:31

Li natawasink li neb'a', naxmajewa laj Yoob'tesihom re; a'ut li na'uxtaanank ru, naxk'e xloq'al li Qaawa'.

San Lucas 16:24

Toja' naq kixjap re chi xyeeb'al: «At inyuwa' Abrahán, chawuxtaana wu! Taqla chaq laj Lázaro ut xt'aqresihaq chaq li ru'uj ruq' re naq tolxkehob'resi li ru'uj waq', xb'aan naq q'axal ra wankin sa' li xam a'in».

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.