Proverbios 2:8 - Q'eqchi Bible

⁸ naril li xyu'ameb' li tiikeb' xch'ool ut naxkoleb' li neke'paab'ank chiru.

Li Santil hu

⁸ Aꞌan na-iloc reheb li ralal xcꞌajol li nequeꞌcuan saꞌ ti̱quilal ut naxcoleb.

Proverbios 2:8 ပူးပေါင်းရင်းမြစ်များ

Salmos 23:3

naxk'e wi' chik inmetz'ew. Nikinxb'eres sa' li tiikil b'e sa' xk'ab'a' xnimal li xrahom.

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Salmos 145:20

Li Qaawa' naxk'aak'aleheb' li neke'rahok re, ab'an naxsach ruheb' li ink'a' useb' xna'leb'.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Salmos 66:9

A'an xk'ehok wi' chik qayu'am ut ink'a' xkanab'eb' li qoq chi tichk'ok.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

Salmos 37:31

Xb'aan naq wank sa' xch'ool li xchaq'rab' li xYos ut ink'a' nakab'roxink xk'a'uxl sa' xb'e li Qaawa'.

Salmos 97:10

Li Qaawa' naxraheb' li neke'tz'eqtaanank re li maa'usilal; a'an nak'aak'alenk reheb' li neke'paab'ank re, ut naxkoleb' chiru chixjunileb' li ink'a' useb' xna'leb'.