Proverbios 2:6 - Q'eqchi Bible

⁶ Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Li Santil hu

⁶ Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

Proverbios 2:6 ပူးပေါင်းရင်းမြစ်များ

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Salmos 119:98

Junelik wank sa' inch'ool laawaatin: q'axal chik wank inna'leb' chiruheb' li xik' neke'ilok we.

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

San Juan 6:45

Tz'iib'anb'il sa' xhuheb' li Propeet: «Tzolb'ilaqeb' chixjunileb' xb'aan li Yos». Chixjunil li na'ab'ink re li Yuwa'b'ej ut naxtzol rib' rik'in, nachalk wik'in.

1 Reyes 3:12

jo'kan naq tinb'aanu jo' xapatz' we: tink'e aachoxahil na'leb' ut xtiikilal laach'ool, jo' maajun wanjenaq chawu chi moko toxwanq chik moqon jo' laa'at.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Salmos 119:104

Sa' xk'ab'a' laawaatin jwal xintaw inna'leb'; jo'kan naq xik' nawil chixjunil li tik'ti'.

Daniel 2:23

Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

1 Reyes 4:29

Li Yos kixk'e re laj Salomón xnimal xchoxahil na'leb' ut xseeb'al xch'ool, jo' ajwi' jwal nim xchaab'ilal jo' li samahib' chire li palaw.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Proverbios 6:23

Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

1 Reyes 3:9

Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

Éxodo 31:3

ut xinnujob'resi rik'in xmusiq' li Yos: xink'e xna'leb' ut xseeb'al xch'ool. Ch'olch'o chiru chixjunileb' li k'anjel,

1 Crónicas 22:12

A' taxaq li Qaawa' chik'ehoq laana'leb' ut laak'a'uxl, re naq jo'q'e tatxxaqab' chi awab'ejink sa' xb'een Israel, taak'anjela ru li xchaq'rab' li Qaawa' laaYos.

Nehemías 7:5

Toja' naq li Yos kixk'ut chiwu naq tento teb'inch'utub' li xninqaleb' ru winq, eb' laj k'amol b'e ut chixjunileb' li tenamit re xtz'iib'ankil li xk'ab'a'eb'. Kintaw li hu tz'iib'anb'il wi' xk'ab'a'eb' li ke'sutq'iik chaq xb'enwa, ut aran tz'iib'anb'il chi jo'ka'in:

Li xHu LAJ JOB 22:22

K'e aawib' chi tzole'k xb'aan li Yos ut k'uula sa' laawaanm li raatin.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

1 Reyes 10:24

Chixjunileb' sa' ruuchich'och' neke'raj rilb'al ru laj Salomón, re seeraq'ik rik'in ut xnawb'al li xchoxahil na'leb' k'eeb'il re xb'aan li Yos.

Esdras 7:25

“Ut laa'at, Esdras, jo' chanru li choxahil na'leb' k'eeb'il aawe xb'aan laaYos, chaxaqab'eb' aj raqol aatin ut aj tz'iib' li te'taqlanq sa' xb'eeneb' chixjunileb' li tenamit li wankeb' junpak'al li nima' Éwfrates, ut sa' xb'eeneb' chixjunileb' li neke'nawok re li xChaq'rab' laaYos. Ut eb' li ink'a' neke'xnaw li Chaq'rab', taak'ut chiruheb'.

Li xHu LAJ JOB 12:13

Ab'an li Yos a'an xyo'leb'aal li choxahil na'leb' ut wankilal; li k'aru naxk'uub' xb'aanunkil, naxb'aanu.

Li xHu LAJ JOB 12:16

Rik'in A'an wank li metz'ew ut li seeb'al k'a'uxl; rub'el roq wankeb' li b'alaq'inb'ileb' ut li neke'b'alaq'ik.

Salmos 19:8

Li xchaq'rab' li Qaawa' a'an tz'aqal re ru, k'ajo' naq nak'ojob'ank ch'oolej; li xtaqlahom li Qaawa' a'an yaal, naxk'e xna'leb'eb' li tuulan.

Salmos 94:10

Li naq'usuk reheb' li tenamit, ma ink'a' tixk'eheb' chi xtojb'al xmaakeb'? Ma ink'a' tixnaw chixjunil, li nak'ehok xna'leb' li poyanam?

Salmos 119:34

Chak'e taxaq inna'leb' ut tinb'aanu li nakawaj; chi anchal linch'ool tinpaab' laataqlahom.