Proverbios 19:1 - Q'eqchi Bible

¹ Jwal us li neb'a' ut tiik xch'ool chiru li maak'a' xna'leb' ut laj b'alaq'.

Li Santil hu

¹ Kꞌaxal us li cua̱nc saꞌ ti̱quilal usta nebaꞌako chiru nak incꞌaꞌ takatau kanaꞌleb ut ta̱cuulak chiku ticꞌtiꞌic.

Proverbios 19:1 ပူးပေါင်းရင်းမြစ်များ

Proverbios 28:6

Jwal us li neb'a' tiik xch'ool, chiru li b'ihom aj b'alaq'.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Proverbios 16:8

Jwal us li wank sa' neb'a'il ut tiikaq qach'ool chiru li b'ihomo'k sa' b'alaq'il.

Proverbios 19:22

Li nasik'mank re junaq winq, a'an li xtiikilal xch'ool, xb'aan naq jwal us li neb'a' winq chiru laj b'alaq'.

Proverbios 20:7

Us xaq reheb' li ralal xk'ajol li winq li kiwank sa' tiikilal ut chaab'ilal.

Proverbios 15:16

Jwal us li wank sa' neb'a'il ut roxloq'inkil li Qaawa' chiru li wank sa' b'ihomal ut ch'a'ajkilal.

Proverbios 14:2

Li tiik ru xyu'am naroxloq'i li Qaawa'; li ink'a' tiik xch'ool naxtz'eqtaana li Qaawa'.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Salmos 37:26

Rajlal kutan na'uxtaanank ut nak'ehok to': eb' li ralal xk'ajol te'osob'tesiiq chi junelik.

Proverbios 12:26

Li tiik xch'ool naxk'ut xb'e li ras riitz'in; a'ut li ink'a' us xna'leb' naxsachb'esi.

Salmos 26:11

A'ut laa'in wankin sa' xyaalalil; chinaakol taxaq ut chawuxtaana wu.

1 Samuel 25:25

Nintz'aama chawu naq ink'a' taak'e sa' aach'ool li xyehom laj Nabal: a'an jun li winq ink'a' us xna'leb'. Aj Nabal ke'xk'e cho'q xk'ab'a', ut relik chi yaal naq a'an mem. Chakuy inmaak, laa'in aj k'anjel chawu, ink'a' xwileb' ru li winq li xataqlaheb' qik'in.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

Proverbios 4:24

Isi sa' xtz'uumal aawe chixjunil li tik'ti' jo' ajwi' li b'alaq'il aatin.