Proverbios 18:5 - Q'eqchi Bible

⁵ Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Li Santil hu

⁵ Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

Proverbios 18:5 ပူးပေါင်းရင်းမြစ်များ

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Proverbios 28:21

Moko us ta xtiib'aleb' ru li poyanam; wankeb' li neke'xb'aanu a'in yal xb'aan junwa'al chi wa.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Salmos 82:2

“Jo' najtil chik texraqoq aatin sa' b'alaq'il, jo' najtil chik yooqex chi xtenq'ankil eb' li ink'a' useb' xna'leb'?

Proverbios 24:23

Eb' li aatin a'in yeeb'il ajwi' xb'aaneb' li wankeb' xna'leb': Moko us ta xtiib'al ru eb' li poyanam sa' li raqleb'aal aatin.

Proverbios 17:15

Rach'ab'ankil li xmaakob'k ut xteneb'ankil maak sa' xb'een li maak'a' xmaak, ink'a' nawulak chiru li Qaawa'.

San Mateo 22:16

Ut ke'xtaqlaheb' li xtzolom rik'in, rochb'eeneb' li neke'okenk chirix laj Herodes, chi xyeeb'al: —At Tzolonel, naqanaw naq tz'aqal yaal nakat-aatinak; nakak'ut chi yaal li xb'e li Yos ut maak'a' nakawaj wi' anihaq, xb'aan naq moko sik'so ta ru li nakawaatina.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Isaías 59:14

Tz'eqtaananb'il chik li tiikilal, ut maak'a' chik li tiikil ch'oolej sa' qayanq; maab'ar chik nayeemank li yaal ut li k'ulub'ej ramro li b'e re ok qik'in.

Éxodo 23:2

“Us ta q'axal naab'aleb' li neke'xb'aanu li ink'a' us, ab'an matxik chirixeb'. “Chiru laj raqol aatin maak'e aawib' sa' xyanqeb' li naab'aleb' li te'raj xsachb'al xwankil li yaal,

Éxodo 23:6

“Maasach xwankil li yaal re xtenq'ankil laawechneb'a'il sa' li xpleet.

Proverbios 17:26

Moko us ta xteneb'ankil maak sa' xb'een li maak'a' xmaak, chi moko xrahob'tesinkil li chaab'il xch'ool.

Proverbios 31:5

xb'aan naq wi neke'kalaak, nasachk li chaq'rab' sa' xch'ooleb' ut ink'a' chik neke'xkol li neb'a'.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Éxodo 23:3

chi moko chatenq'a li neb'a' sa' li xpleet wi ink'a' us yo chi xb'aanunkil.