Proverbios 18:1 - Q'eqchi Bible

¹ Li naxsik' li us cho'q re xjunes rib' naxjek' rib' rik'ineb' li ras riitz'in ut xik' naril li chaab'il na'leb' nak'eemank re.

Li Santil hu

¹ Li ani naxsicꞌ li us chokꞌ re xjunes rib, incꞌaꞌ naxcꞌu̱luban li cha̱bil naꞌleb naqꞌueheꞌ re.

Proverbios 18:1 ပူးပေါင်းရင်းမြစ်များ

Proverbios 20:3

Li maak'a' xna'leb' naxch'ik rib' sa' raaxiik'; ab'an li narisi rib' chisa', xk'ulub' naq taak'eemanq xloq'al.

Jeremías 15:17

Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Proverbios 24:21

At walal ink'ajol, chawoxloq'i li Yos ut li awab'ej, ut maajunaji aawib' rik'ineb' laj q'etol aatin,

San Judas 1:19

A'aneb' a'in li neke'yoob'ank jachok ib', aj raholeb' ru li ruuchich'och'il na'leb', ut maak'a' li Musiq'ej rik'ineb'.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.

Proverbios 14:10

Li junjunq naxnaw li xrahilal xch'ool; ut maa'ani taatz'aqonq rik'in xsahil xch'ool.

San Mateo 13:44

“Li xnimajwal wankilal li choxa chanchan jun nimla b'ihomal muqmu sa' ch'och' li kitawe'k xb'aan jun li winq. A'an kixmuq wi' chik ut, xb'aan xsahil li xch'ool, koho, koxk'ayi chaq chixjunil li k'aru wank re ut kixloq' li ch'och' a'an.

Proverbios 26:17

Ani naxch'ik rib' sa' xraaxiik' jalan chik, a'an chanchan yo chi xchapb'al li xxik junaq tz'i'.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

Proverbios 20:19

Li nawulak chiru molok aatin, maajun li na'leb' naxk'uula chi muqmu; jo'kan naq maawochb'eeniheb' laj tik'ti'.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

San Marcos 4:11

Ut a'an kixye reheb': “K'eeb'il eere laa'ex xnawb'al xyaalal li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik chixjunil nak'eemank sa' jaljookil ru aatin

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Zacarías 7:3

jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.

Proverbios 3:21

At walal ink'ajol, k'uula sa' laach'ool li chaab'il na'leb' ut k'a'uxl, ut misachk chawu li wank sa' xyaalal:

Proverbios 8:14

We li k'uub'ank ut li xb'aanunkil; laa'in laj k'ehol na'leb' ut li xyo'leb'aal li kawil ch'oolej.

Deuteronomio 14:6

Chixjunil li xul xalxo rixi'jil li roq, a'eb' li xul li ka'sut neke'xhab'le li xwaheb', naru teetzekaheb'.