Proverbios 17:13 - Q'eqchi Bible

¹³ Li naxk'e maa'usilal cho'q reeqaj li usilal ki'uxk re, junelik wanq li rahilal sa' li xjunkab'al.

Li Santil hu

¹³ Junelic cua̱nk li ma̱usilal saꞌ lix jun cablal li ani naxba̱nu ma̱usilal re li naba̱nun usilal re.

Proverbios 17:13 ပူးပေါင်းရင်းမြစ်များ

Romanos 12:17

Maa'ani chereeqajun wi' li raaxiik' rik'in raaxiik'; chek'ehaq eech'ool chi xb'aanunkil li us chiruheb' chixjunil.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Salmos 35:12

Usilal ninb'aanu reheb' a'an, a'ut a' chik li maa'usilal nink'ul sa' ruq'eb'. K'ajo' naq namayok li waanm!

Salmos 38:20

Numtajenaqeb' chik li xik' neke'ilok we chi maak'a' xyaalal, naab'aleb' li neke'tz'eqtaanank we chi maak'a' inmaak,

2 Samuel 12:10

Jo'kan naq chalen anaqwan junelik wanq raaxiik' ut kamsij ib' sa' laajunkab'al, xb'aan naq xinaatz'eqtaana ut xak'am li rixaqil laj Urías aj Hit cho'q aawixaqil.

1 Samuel 24:17

ut kixye re laj David: “Yaal ajwi' li nakaye; laa'in wank inmaak. Laa'at usilal nakab'aanu we, a'ut laa'in ink'a' us nink'e cho'q reeqaj.

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

San Mateo 27:5

Toja' naq laj Judas kixkut li tumin sa' rochoch li Yos, ki'elk ut koxyatz' rib'.

San Mateo 27:25

Ut chixjunileb' li tenamit ke'xsume ut ke'xye: —Li xkik'el chinaq sa' qab'een ut sa' xb'eeneb' li qalal qak'ajol.

1 Samuel 19:4

Ut laj Jonatán ki'aatinak chirix laj David chiru laj Saúl li xyuwa'; kixye re: “At awab'ej, matmaakob'k rik'in xb'aanunkil li ink'a' us re laj David laj k'anjel chawu, xb'aan naq a'an ink'a' xmaakob'k chawu, xb'aanu b'an naab'al li us re aatenq'ankil.

1 Samuel 25:21

Laj David yo chi xyeeb'al sa' xch'ool: “Maak'a' rajb'al naq sa' li chaqich'och' xinkol rix chixjunil li k'aru wank re li winq a'in re naq maak'a' taamajelo'q re. Maa'usilal yookin chi xk'ulb'al cho'q reeqaj li usilal!

1 Reyes 21:22

Tinsacheb' ru eb' laawalal aak'ajol jo' naq kinsacheb' ru li ralal xk'ajol laj Jerobohán, ralal laj Nebat. Te'xk'ul jo' kixk'ul li xjunkab'al laj Basá, ralal laj Ajías, xb'aan naq xachiq' injosq'il ut xak'ameb' xb'e eb' laj Israel chi maakob'k.

Proverbios 13:21

Laj maak ink'a' nakanab'aak xb'aan li rahilal; a'ut li chaab'il xna'leb' naq'ajkamuuk xb'aan li usilal.