Proverbios 17:12 - Q'eqchi Bible

¹² Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

Li Santil hu

¹² Kꞌaxal us nak ta̱cꞌul jun li oso yo̱ xjoskꞌil li qui-elkꞌa̱c li ral, chiru nak ta̱chꞌic a̱cuib riqꞌuin jun li incꞌaꞌ naxnau xya̱lal xban nak kꞌaxal ra cuiꞌchic ta̱cꞌul.

Proverbios 17:12 ပူးပေါင်းရင်းမြစ်များ

Oseas 13:8

Tinkut wib' sa' xb'eeneb' jo' naxb'aanu li tz'uqtz'un naq neke'maq'ek li ral chiru; tint'upiheb' li xch'ool, aran ajwi' tinputz'iheb' jo' naxb'aanu li kaqkoj; ut eb' li k'iche'il xul te'choyoq reheb'.

2 Samuel 17:8

Laa'at nakanaw chi us naq laayuwa' ut eb' li winq rochb'een q'axal kaweb' rib' ut yookeb' xjosq'il anaqwan, jo' junaq tz'uqtz'un li xmaq'mank li raleb'. Jun chik: laayuwa' naxnaw yalok chi us, ut ink'a' tixnumsi li q'oqyink sa' xyanqeb' li tenamit.

San Mateo 2:16

Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

Proverbios 27:3

Jwal aaleb' li pek ut li samahib'; jo'kan ajwi' li raalal li xjosq'il li maak'a' xna'leb'.

2 Reyes 2:24

Laj Eliseo kixsutq'isi rib', kikanaak chi xka'yankileb' ut kixmajewaheb' sa' xk'ab'a' li Qaawa'. Toja' naq sa' li k'iche' ke'elk chaq wiib'eb' li tz'uqtz'un, ut ke'xt'upi wiib' roxk'aaleb' xkomoneb' li saaj aleb'.

Proverbios 17:11

Li q'etq'et junelik naxsik' li raaxiik', ab'an sa' junaq kutan taachalq junaq jwal kaw rib' chi yalok rik'in.

Proverbios 29:9

Naq li wank xna'leb' na'ok sa' raaxiik' rik'in junaq li maak'a' xna'leb', us ta taajosq'o'q malaj taase'eeq, ab'an maak'a' taakanaaq wi'.