Proverbios 16:4 - Q'eqchi Bible

⁴ Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Li Santil hu

⁴ Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Proverbios 16:4 ပူးပေါင်းရင်းမြစ်များ

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

Isaías 43:21

Toja' naq li tenamit li kinkawresi cho'q we te'xb'icha linloq'al.

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Li xHu LAJ JOB 21:30

“Sa' xkutankil li raaxiik', nakole'k li ink'a' us xna'leb'; naq li Yos najosq'o'k, maak'a' naxk'ul laj maak”?

Romanos 11:36

Xb'aan naq chixjunil nachalk rik'in li Yos ut nawank sa' xk'ab'a' A'an ut cho'q re A'an. Rehaq taxaq li loq'al chi junelik q'e kutan! Jo'kan taxaq.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Proverbios 16:5

Li Qaawa' xik' naril li q'etq'et; ch'olch'o naq a'in tixk'ul li xq'ajkamunkil.

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Li xHu LAJ JOB 15:23

Li xtib'el a'anaq xtzekemq eb' li so'sol; naxnaw chi us naq taa'oso'q chi junajwa.