Proverbios 15:9 - Q'eqchi Bible

⁹ Li Qaawa' ink'a' naxk'ul ru li xyu'ameb' laj maak, ab'anan naxra li chaab'ileb' xyu'am.

Li Santil hu

⁹ Li Ka̱cuaꞌ xicꞌ naril li cꞌaꞌru nequeꞌxba̱nu li incꞌaꞌ useb xnaꞌleb. Abanan naxraheb li nequeꞌxba̱nu li ti̱quilal.

Proverbios 15:9 ပူးပေါင်းရင်းမြစ်များ

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

Proverbios 21:21

Li naxsik' li tiikilal ut li chaab'ilal, tixtaw li yu'am ut li sahilal.

San Mateo 7:13

“Okanqex sa' li okeb'aal kach'in ru xb'aan naq nim ru li okeb'aal ut nim ru li b'e nak'amok sa' li kamk chi junelik, ut naab'aleb' li neke'ok aran.

Habacuc 1:13

Li xtiikilal laach'ool xik' naril li maa'usilal; ink'a' nakakuy rilb'al li maa'usilal. K'a'ut naq maak'a' nakaye chirixeb' li neke'rahob'tesink, eb' li yookeb' chi xsachb'al ruheb' li jwal chaab'ileb' chiruheb' a'an?

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

2 Timoteo 2:22

Tz'eqtaana chixjunil li naxik wi' xch'ooleb' li saaj al ut k'e aach'ool chirix li tiikilal, li paab'aal, li rahok, li tuqtuukilal, sa' junajil rik'ineb' li neke'yaab'ank re xk'ab'a' li Qaawa' chi saqeb' ru li xch'ool.

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Isaías 51:1

“Ab'ihomaqin laa'ex li nekek'e eech'ool chi wank sa' tiikilal, laa'ex li nekexsik'ok re li Qaawa'. Sutq'inqex rik'ineb' leexe'toonil yuwa', k'ehomaq reetal li raxpek li kex'isiik wi' chaq naq kexk'ub'aak.

Isaías 26:7

Li xyu'am li tiik xch'ool a'an li tiikilal; laa'at, at Qaawa', nakattuqub'ank ru li xb'e.

Proverbios 21:8

Li xb'e li ink'a' us xna'leb', a'an yokos ru; li xk'anjel li chaab'il xch'ool, a'an tz'aqal re ru.

Proverbios 21:4

Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.

Proverbios 4:19

A'ut li xyu'ameb' li ink'a' useb' xch'ool a'an chanchan li aak'ab': chi moko neke'xnaw b'ar xe'tichk'ok.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Salmos 139:24

Chak'e reetal, mare anchal xinkanab' li chaab'il b'e; chinaab'eres taxaq sa' li junelik yu'am.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Proverbios 15:10

Li naxkanab' li chaab'il b'e taak'ajtesiiq ru; li naxtz'eqtaana li xq'usb'al, tixtaw li kamk.

Salmos 5:5

Xb'aan naq laa'at jun Yos li ink'a' nasaho'k sa' aach'ool rik'in li maa'usilal, chi moko nakak'ul aawik'in li ink'a' us xna'leb'.

Salmos 11:7

Li Qaawa' a'an tiik xch'ool ut naxra li tiikilal: eb' li tiikeb' ru xyu'am toxe'ril ru li Yos.