Proverbios 15:30 - Q'eqchi Bible

³⁰ Li se'se' na'ilok naxk'e sahil ch'oolej, ut li chaab'il esilal nak'ehok kawil ch'oolej.

Li Santil hu

³⁰ Li ani seꞌse na-iloc naxqꞌue sahil chꞌo̱lej. Ut li cha̱bil esilal naqꞌuehoc cacuilal.

Proverbios 15:30 ပူးပေါင်းရင်းမြစ်များ

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

Proverbios 25:25

Jo' li keelha' cho'q re li nachaqik re, jo'kan li chaab'il esil nachalk chaq chi najt.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Eclesiastés 11:7

K'ajo' xsahil rilb'al li kutan saqenk.

Proverbios 17:22

Li sahil ch'oolej a'an chanchan li b'an nak'ehok kawilal; ab'an li rahil ch'oolej na'oksink yajel.

Proverbios 13:9

Li xyu'ameb' li tiikeb' xch'ool chanchan jun lochlookil saqenk; a'ut li ink'a' useb' xna'leb' chanchaneb' jun saqenk chupchu.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.

Esdras 9:8

Ab'an anaqwan, at Qaawa', at qaYos, xawil xtoq'ob'aal qu chiru li jun k'amok a'in ut xak'e qe naq toj wanq jun rela' laatenamit chi ach'ab'anb'il, a'ano laa'o li toj wanko. Xasi qe naq tqak'ojob' qamuheb'aal sa' santil ch'och'. Jo'ka'in naq xakutanob'resi li qab'e ut xak'e b'ayaq xkawub' qach'ool naq xoowank chi munil.

Proverbios 3:8

Chi jo'kan maak'a'aq aayajel ut q'axal kawaq aawib'.

Proverbios 15:29

Li Qaawa' najt wank rik'ineb' li ink'a' useb' xna'leb'; ab'an naxk'ulub'a li xtijeb' li tiikeb' xch'ool.

Proverbios 15:31

Li naxpaab' li q'use'k chirix li yu'am taawanq xna'aj sa' xyanqeb' li wankeb' xna'leb'.

Proverbios 12:25

Li rahil ch'oolej naxluktesi xch'ool li winq; a'ut li chaab'il aatin naxsahob'resi.