Proverbios 14:9 - Q'eqchi Bible

⁹ Eb' li maak'a' xna'leb' neke'xse'e li xmaakeb'; a'ut li chaab'ileb' xch'ool neke'xsik' li rusilal li Yos.

Li Santil hu

⁹ Li ma̱cꞌaꞌeb xnaꞌleb ma̱cꞌaꞌ nequeꞌraj re nak nequeꞌxba̱nu li ma̱usilal. Abanan eb li cha̱bileb nasahoꞌ saꞌ xchꞌo̱leb chixba̱nunquil li us.

Proverbios 14:9 ပူးပေါင်းရင်းမြစ်များ

Proverbios 10:23

Li jip nasaho'k xch'ool chi b'aanunk maa'usilal; li chaab'il xna'leb' nasaho'k xch'ool rik'in li xna'leb'.

Proverbios 30:20

Li ixq li naxmux li xsumlajik, nawank rik'in jalanil winq, na'atink ut naxye: “Maak'a' maak xinb'aanu”, chan.

Proverbios 13:15

Li nak'ehok na'leb', taak'ehe'q xloq'al; a'ut eb' laj b'alaq' ink'a' us te'elq.

San Judas 1:18

“Sa' roso'jikeb' li kutan -chankeb' chaq eere- te'waklije'q chaq li winq li te'xse'e xaq chixjunil ut te'wanq jo' taqlanb'ileb' xb'aan li xyib' aj na'leb'”.

Proverbios 12:2

Li Qaawa' narusila ru li chaab'il xch'ool ut naraqok aatin sa' xb'een li ink'a' us xna'leb'.

Proverbios 8:35

Xb'aan naq ani natawok we, naxtaw li yu'am, ut li Qaawa' naxk'ut li rusilal.

Proverbios 3:4

Chi jo'kan osob'tesinb'ilaqat xb'aan li Yos ut taak'ehe'q aaloq'al xb'aaneb' li tenamit.

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Li xHu LAJ JOB 15:16

Ma tojo' tana chik laa'o li ink'a' us qana'leb' ut naqab'aanu li maa'usilal rajlal jo' naq na'uk'e'k li ha'?

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Proverbios 3:34

Li Qaawa' naxse'eb' li neke'xnimob'resi rib', ab'an narusilaheb' li kub'enaqeb' xwankil.

Proverbios 11:20

Li Qaawa' xik' narileb' li yib'ru xna'leb'eb', ab'an nasaho'k xch'ool rik'ineb' li chaab'ileb' xyu'am.