Proverbios 13:7 - Q'eqchi Bible

⁷ Wankeb' neke'yehok naq b'ihomeb', ut maak'a' nayo'laak reheb'; ut wankeb' chik neke'yehok naq neb'a'eb', ut maak'a' namajelo'k reheb'.

Li Santil hu

⁷ Cuanqueb li cristian nacꞌutun nak biomeb, usta ma̱cꞌaꞌ cuan reheb. Ut cuanqueb ajcuiꞌ li cristian nacꞌutun nak nebaꞌeb usta biomeb.

Proverbios 13:7 ပူးပေါင်းရင်းမြစ်များ

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Proverbios 12:9

Jwal us naq tz'eqtaananb'ilaqat ut wanq aawa, chiru naq k'eeb'ilaq aaloq'al chi maak'a'aq aatzekemq.

Proverbios 11:24

Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

San Lucas 12:21

“Jo'ka'in tixk'ul li ani naxk'uula xb'ihomal cho'q re xjunes rib' ut ink'a' nab'ihomo'k cho'q re li Yos”.

Proverbios 13:11

Li b'ihomal li natawmank chi junpaat, sa' junpaat taa'oso'q; li ani naxch'utub' li xtumin chi timil timil, taab'ihomo'q.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

1 Corintios 4:8

Ak xexnujak! Ak xexb'ihomo'k! Xex'ok chi awab'ejink chi ink'a' xexqatenq'a laa'o! Us rajan naq ak ta xex'ok chi awab'ejink re naq laa'o ajwi' too'awab'ejinq eerochb'een!

San Lucas 12:33

“Chek'ayi li k'aru wank eere ut chek'ehaq reheb' li wankeb' sa' rajb'al ru. Cheb'aanu eeb'ools li ink'a' te'q'eeloq, jun leeb'ihomal li ink'a' taalajq taa'oso'q sa' choxa, b'arwi' ink'a' nawulak laj elq', chi moko nasachok li xmaxel.

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

Proverbios 13:8

Wankeb' li neke'xkol rix li xyu'ameb' rik'in li b'ihomal; ab'an eb' li neb'a' maak'a' nach'i'ch'i'ink reheb'.