Proverbios 13:16 - Q'eqchi Bible

¹⁶ Li wank xna'leb', toj naxk'oxla rix li naxb'aanu; a'ut li maak'a' xna'leb' naxk'ut li xmemil.

Li Santil hu

¹⁶ Li ani cuan xnaꞌleb toj naxcꞌoxla chi us li cꞌaꞌru naxba̱nu. Abanan li ma̱cꞌaꞌ xnaꞌleb naxba̱nu li cꞌaꞌru naraj xjunes ut naxcꞌut nak incꞌaꞌ naxnau cꞌoxlac.

Proverbios 13:16 ပူးပေါင်းရင်းမြစ်များ

Proverbios 15:2

Naq na'aatinak li wank xna'leb', naxpuktesi li xnimal xk'a'uxl; a'ut li raatin li ink'a' us xch'ool, a'an yal memil.

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Isaías 52:13

Laj K'anjel chiwu jwal us taa'elq rik'in li k'aru tixb'aanu; nimaq xwankil ut taaterq'usiiq xloq'al, q'axal taanimaaq li xk'ab'a'.

Eclesiastés 10:3

Sa' chixjunil li naxb'aanu li jip, nak'utunk li xmajelal xna'leb', us ta naxye naq eb' li junch'ol chik maak'a'eb' xna'leb'.

Romanos 16:19

Xsutunk yalaq b'ar resil naq nekexpaab'ank; jo'kan naq nasaho'k inch'ool cherix. Ab'anan nawaj naq seeb'aq eech'ool rik'in li us ut saqaq ru leeraanm chiru li maa'usilal.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Proverbios 21:24

Aj rahob'tesinel, q'etq'et ut aj eetz'unel, a'an nayeemank re li naxnimob'resi rib' chiruheb' li ras riitz'in.

Salmos 112:5

Us xaq re li natoq'ob'ank u ut nak'ehok chi to' li xtumin, ut naxjolomi chi chaab'il li xjunkab'al.

1 Samuel 25:25

Nintz'aama chawu naq ink'a' taak'e sa' aach'ool li xyehom laj Nabal: a'an jun li winq ink'a' us xna'leb'. Aj Nabal ke'xk'e cho'q xk'ab'a', ut relik chi yaal naq a'an mem. Chakuy inmaak, laa'in aj k'anjel chawu, ink'a' xwileb' ru li winq li xataqlaheb' qik'in.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

Proverbios 18:2

Li maak'a' xna'leb' ink'a' naraj tzole'k; ka'ajwi' naraj xk'utb'al li k'aru naxk'oxla.

Proverbios 14:33

Li chaab'il na'leb' nawank rik'ineb' li neke'xnaw k'oxlak; a'ut maajoq'e taatawmanq sa' xyanqeb' li jip.

Eclesiastés 10:13

Naxtikib' aatinak rik'in memil aatin, ut naraqe'k rik'in xyeeb'al li maak'a'il na'leb'.