Proverbios 13:10 - Q'eqchi Bible

¹⁰ Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

Li Santil hu

¹⁰ Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Proverbios 13:10 ပူးပေါင်းရင်းမြစ်များ

Proverbios 19:20

Chak'e sa' aach'ool laatijb'al ut chapaab' laaq'usb'al; chi jo'kan toxaataw li chaab'il na'leb'.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Santiago 4:1

B'ar nachalk chaq li raaxiik' ut li ch'e'oj ib' wank sa' eeyanq? Ma ink'a' tab'i' nachalk xb'aan li maa'usilal naxamnak sa' leejunxaqalil?

1 Timoteo 6:4

a'an xmutz'o'k xb'aan li xq'etq'etil ut maak'a' naxnaw; junes patz'ink ut xwech'inkil rixeb' li aatin nawulak chiru. A'an li xyajel. Aran nachalk li kaqalink, li raaxiik', li majewank, li ink'a' usil k'a'uxl

San Lucas 22:24

Kiwank ajwi' jun wech'ij ib' sa' xyanqeb', ani reheb' nimaq xwankil.

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

Proverbios 21:24

Aj rahob'tesinel, q'etq'et ut aj eetz'unel, a'an nayeemank re li naxnimob'resi rib' chiruheb' li ras riitz'in.

Proverbios 20:18

Naq k'uub'anb'il chi us junaq k'anjel, us na'elk. Matxik chi yalok wi ink'a' xak'oxla chi us.

2 Reyes 14:10

At awab'ej Amasías, laa'at xasach ruheb' laj Edom, jo'kan naq nakak'e aawankil. Us b'i', naru taanima aawib', ab'anan kanaaqat sa' laawochoch! K'a' naq taasik' aarahilal ut taawaj ajwi' li xsachikeb' laj Judá aawochb'een?”.

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

Jueces 19:30

Jo'k'ihaleb' li neke'ilok re neke'xye: “Maajun wa kik'ulmank chi moko ki'ilmank a'in sa' xyanqeb' laj Israel, chalen sa' relikeb' chaq Ejiipt toj anaqwan. K'oxlahomaq rix a'an, patz'omaq eena'leb' ut ilomaq k'aru teeb'aanu”, chankeb'.

Proverbios 13:9

Li xyu'ameb' li tiikeb' xch'ool chanchan jun lochlookil saqenk; a'ut li ink'a' useb' xna'leb' chanchaneb' jun saqenk chupchu.

Proverbios 13:11

Li b'ihomal li natawmank chi junpaat, sa' junpaat taa'oso'q; li ani naxch'utub' li xtumin chi timil timil, taab'ihomo'q.

Proverbios 28:25

Li naxrahi ru li tumin, nayoob'ank raaxiik'; ab'an li k'ojk'o xch'ool rik'in li Qaawa', us taa'elq.