Proverbios 12:5 - Q'eqchi Bible

⁵ Li tiikeb' xch'ool a' li tiikilal neke'xk'oxla; a'ut li ink'a' useb' xna'leb' junes li b'alaq'ik naxik wi' xch'ooleb'.

Li Santil hu

⁵ Eb li ti̱queb xchꞌo̱l junes li us nequeꞌxcꞌoxla. Abanan li incꞌaꞌ useb xnaꞌleb junes balakꞌic nequeꞌxcꞌoxla.

Proverbios 12:5 ပူးပေါင်းရင်းမြစ်များ

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Salmos 139:23

At Qaawa', chatz'ili wix ut chawil chanru linch'ool; chayal wix re xnawb'al chixjunil li naweek'a.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

San Mateo 26:4

ut ke'xk'uub' xchapb'al li Jesus chi b'alaq'inb'il re xkamsinkil.

San Mateo 2:16

Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

Proverbios 24:9

Li jip junes xb'aanunkil li maak naxk'oxla, ut eb' li poyanam xik' neke'ril laj hob'onel.

Proverbios 11:23

Li tiikeb' xch'ool junes li us neke'raj xb'aanunkil; a'ut li royb'enihom li ink'a' useb' xna'leb' naxk'am chaq josq'il ut rahilal.

Salmos 119:15

Twaj xk'oxlankil chi us xyaalalil laataqlahom, ut xk'eeb'al reetal b'ar wank laab'e.

Proverbios 12:4

Li ixq chaab'il xna'leb', a'an xloq'al li xsum'aatin; a'ut li ink'a' us xna'leb' naxpo' xch'ool chi junwaakaj.

Proverbios 12:6

Li raatin li ink'a' us xna'leb' nakamsink; li raatin li tiik xch'ool nak'ehok kolb'a ib'.

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.