Proverbios 1:4 - Q'eqchi Bible

⁴ re naq wanq xk'a'uxeb' li ink'a' neke'xnaw k'oxlak, ut wanq xna'leb'eb' li toj saajeb' re te'xk'oxla chi us k'aru te'xb'aanu.

Li Santil hu

⁴ Ut tixtenkꞌaheb ajcuiꞌ chi cua̱nc xcꞌaꞌuxeb li incꞌaꞌ nequeꞌxnau cꞌoxlac. Ut naxqꞌue xnaꞌlebeb li toj sa̱jeb re nak teꞌxcꞌoxla chi us cꞌaꞌru teꞌxba̱nu.

Proverbios 1:4 ပူးပေါင်းရင်းမြစ်များ

Proverbios 8:5

Ex saaj al li maak'a' eena'leb' ut jipex, tzolomaq li chaab'il na'leb' ut li seeb'al k'a'uxl.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Salmos 119:9

Chanru naq li saaj al taawanq sa' xyaalalil? Ka'ajwi' rik'in xpaab'ankil laawaatin.

Proverbios 8:32

“Ut anaqwan, ex walal ink'ajol, ab'ihomaq li waatin. Us xaq eere wi teetzol eerib' wik'in.

Proverbios 8:12

“Laa'in li chaab'il na'leb', ut li wochb'een a'an li seeb'al k'a'uxl. Ninnaw na'leb'ak chi chaab'il.

Salmos 119:130

Li xch'olob'ankil laawaatin naxkutanob'resi li qak'a'uxl ut naxk'e xna'leb' li kub'enaqeb' xwankil.

Tito 2:6

Chak'e ajwi' xna'leb'eb' li saaj winq re naq te'wanq sa' tiikilal sa' chixjunil.

2 Timoteo 2:22

Tz'eqtaana chixjunil li naxik wi' xch'ooleb' li saaj al ut k'e aach'ool chirix li tiikilal, li paab'aal, li rahok, li tuqtuukilal, sa' junajil rik'ineb' li neke'yaab'ank re xk'ab'a' li Qaawa' chi saqeb' ru li xch'ool.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Proverbios 3:21

At walal ink'ajol, k'uula sa' laach'ool li chaab'il na'leb' ut k'a'uxl, ut misachk chawu li wank sa' xyaalal:

Salmos 34:11

Eb' li b'ihom neke'kanaak sa' neb'a'il ut sa' we'ej, ab'an eb' li neke'xsik' li Qaawa' maak'a' taamajelo'q reheb'.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Salmos 116:6

Li Qaawa' narileb' li q'uneb' xch'ool: naq maak'a' chik inmetz'ew, xinxkol.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.