Proverbios 1:11 - Q'eqchi Bible

¹¹ Mare anchal te'xye aawe: “Kim chiqix, qaramaq sa' b'e li maak'a' xmaak re xkamsinkil chi maak'a' xyaalal.

Li Santil hu

¹¹ Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Proverbios 1:11 ပူးပေါင်းရင်းမြစ်များ

Jeremías 5:26

Sa' lintenamit wankeb' winq ink'a' useb' xna'leb' li junelik yookeb' chi luktesink ch'oolej, chanchan tawi' naq yookeb' chi ra'lenk xik'anel xul; ab'an a'eb' chik li winq neke'xluktesi xch'ooleb'.

Proverbios 1:18

Ab'anan eb' a'an a' ajwi' li xra'aleb' yookeb' chi xkawresinkil, neke'xk'uub' li xkamikeb'.

Proverbios 12:6

Li raatin li ink'a' us xna'leb' nakamsink; li raatin li tiik xch'ool nak'ehok kolb'a ib'.

Hechos 25:3

ut kaw ke'xtz'aama chiru laj Festo naq tixb'aanu li usilal a'in: xtaqlankil li apóstol aran Jerusalén, xb'aan naq te'raj raj xra'lenkil ut xkamsinkil sa' b'e.

Hechos 23:15

Laa'ex eerochb'eeneb' li xninqal ru aj raqol aatin yehomaq anaqwan re li xjolomileb' laj puub' naq chixkub'sihaq chaq laj Pablo wankex wi', jo' yal teeraj raj xtz'ilinkil rix chi chaab'il k'aru xye ut xb'aanu. Laa'o yo'oon wanqo re xkamsinkil rub'elaj li xk'ulunik.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Proverbios 30:14

Wankeb' ajwi' poyanam li wankeb' xq'esnal ch'iich' cho'q ruuch reheb', ut kok' q'esnal ch'iich' cho'q xkalam e, re xkamsinkileb' li kub'enaqeb' xwankil ut xsachb'aleb' chi junajwa li neb'a' sa' ruuchich'och'.

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Salmos 56:6

Chixjunil li kutan neke'xjal xyaalalil li waatin, junes ink'a' us neke'xk'oxla sa' inb'een.

Salmos 35:7

Xb'aan naq xe'xk'e inra'lenkil chi maak'a' inmaak; xe'xb'ekatq injulel, us ta ink'a' xinmaakob'k.

Salmos 17:12

Chanchaneb' josq' aj kaqkoj neke'rataw li tib', jo'keb' ral li kaqkoj chi royb'eninkil li xtzak sa' li xjob'.

San Juan 15:25

Jo'ka'in xk'ulmank re naq chitz'aqloq ru li aatin tz'iib'anb'il sa' li xChaq'rab'eb' a'an: «Xik' xine'ril chi maak'a' inmaak».

Proverbios 24:15

At yib'ru aana'leb', maak'uub' rahilal re li tiik xch'ool, ut maajuk' li xjunkab'al nahilank wi'.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.