Oseas 9:8 - Q'eqchi Bible

⁸ Taqlanb'ilin chaq xb'aan li Yos li xinxaqab' cho'q propeet re rilb'aleb' laj Efraín. A'ut laa'ex yalaq b'ar nekeraj inra'lenkil, ut sa' ajwi' li rochoch linYos xik' nikineril.

Li Santil hu

⁸ La̱in taklanbilin chak xban li Dios chokꞌ aj ilol e̱re la̱ex li ralal xcꞌajol laj Efraín. Abanan yalak bar ninxic chixyebal resil li raylal cha̱lel saꞌ e̱be̱n, xicꞌ niquine̱ril. Che̱ru la̱ex, chanchanin laj yo li naraj chapoc e̱re. Ut saꞌ li rochoch li Dios li bar raj xine̱cꞌul saꞌ xya̱lal, xicꞌ chic xine̱ril.

Oseas 9:8 ပူးပေါင်းရင်းမြစ်များ

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

Ezequiel 33:7

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq taawab'i jun t'orolaq li waatin, tento taaq'useb' sa' ink'ab'a'.

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Jeremías 14:13

Ut laa'in kinye: “At Qaawa' Yos, k'e reetal naq eb' li propeet yookeb' chi xyeeb'al reheb' li tenamit: «Ink'a' teeril yalok chi moko we'ej, tink'e b'an tuqtuukil usilal chi junajwa sa' li tenamit a'in», chankeb'”.

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Cantares 3:3

Xine'xtaw eb' laj k'aak'alenel li neke'xb'eeni li tenamit chiru q'oqyink: “Ma xe'ril ru li xrahom li waanm?”, chankin.

2 Reyes 13:21

Sa' jun kutan wankeb' aj Israel yookeb' chi xmuqb'al jun kamenaq ut naq ke'ril eb' laj Mohab yookeb' chaq chi chalk, ke'xkut li kamenaq sa' xmuqleb'aal laj Eliseo ut ke'elelik. Ab'an li kamenaq naq koxnaqk chiru xb'aqel laj Eliseo, kiyo'laak wi' chik ut kixaqliik.

2 Reyes 7:19

Xyehom ajwi' laj tenq' re li awab'ej: “Us ta raj li Qaawa' tixte chaq xb'entaanil li choxa, maajaruj taak'ulmanq li yookat chi xyeeb'al, at xtaql li Yos”. Ab'an laj Eliseo kixye re: “Relik chi yaal naq taawil rik'ineb' xsa' laawu, ab'an ink'a' taatzeka a'an”.

2 Reyes 7:2

Kichaq'ok laj tenq' re li awab'ej: “Us ta raj li Qaawa' tixte chaq xb'entaanil li choxa, maajaruj taak'ulmanq li yookat chi xyeeb'al”, chan re li xtaql li Yos. Ab'an laj Eliseo kixye: “Relik chi yaal naq taawil rik'ineb' xsa' laawu, ab'an ink'a' taatzeka a'an”.

2 Reyes 5:27

Li xsaqlepil laj Nahamán tixletz rib' chawix ut chirixeb' laawalal aak'ajol chi junajwa”. Ut naq laj Kejasí ki'elk chiru laj Eliseo, nujenaq chi saqlep naq koho, jo' ratz'amke xsaqsaqil.

2 Reyes 5:14

Jo'kan naq koho laj Nahamán sa' li nima' Jordán ut wuqub' sut ki'atink, jo' kiyehe'k re xb'aan li xtaql li Qaawa'. Ut li xtib'el kiq'unaak jo' xtib'el junaq ch'ina'al, ut ch'ajob'resinb'il chik kikanaak.

2 Reyes 4:43

Ab'an a'in kixye: “Chanru naq tink'e a'in reheb' o'k'aal chi winq?”. Kichaq'ok laj Eliseo ut kixye: “K'e reheb' li poyanam ut xwa'aqeb', xb'aan naq jo'ka'in xye li Qaawa': «Te'wa'aq ut taa'ela'anq»”.

2 Reyes 4:41

“K'amomaq chaq kach'inaq ink'aj”, chan laj Eliseo. Naq ke'xk'e re, kixkut sa' li uk'al ut kixye: “K'ehomaq reheb' li poyanam re te'tzekanq”. Ut naq ke'xyal, chaab'il chik li tzekemq, maak'a' reek' li wank chisa' li uk'al!

2 Reyes 2:21

laj Eliseo koho chire li yu'amha', kixkirkiri chi atz'am ut kixye: “Jo'ka'in xye li Qaawa': «Laa'in xinb'an li ha' a'in; ink'a' chik taakamsinq ut chaab'ilaq chik li ch'och'»”.

2 Reyes 2:14

Chirix chik a'an kixsak' li nima' chiru li xb'aatal laj Elías, ab'an li ha' ink'a' kixjek' rib'. Toja' naq kixye: “B'ar wank li Qaawa', li xYos laj Elías?”. Kixsak' wi' chik li ha', ut a'in kixjek' rib' chi xka'pak'alil, ut laj Eliseo kinume'k chiru chaqich'och'.

1 Reyes 22:28

Kichaq'ok laj Mikeas: “Wi tatsutq'iiq chaq chi yo'yo, a'an reetalil naq maawa' li Qaawa' x'aatinak chi xtz'uumal we”.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

Romanos 3:7

Ab'an wi rik'in lintik'ti' taanumtaaq xwankil xtiikilal xch'ool li Yos cho'q re xnimal xloq'al, k'a'ut naq toj naraqmank ajwi' aatin sa' inb'een jo' aj maak?

1 Reyes 22:11

Laj Sedesías, ralal laj Kenahaná, kixyiib' jun sumal xxukub' ch'iich', yo chi xyeeb'al: “Jo'ka'in xye li Qaawa': «Rik'ineb' li xukub' a'in taaxeq' eb' laj Aram toj reetal taasacheb' ru»”.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

1 Reyes 18:19

Ab'an anaqwan b'oqeb' ut xch'utub'aqeb' rib' wik'in chixjunileb' laj Israel, sa' li tzuul Karmeel, rochb'eeneb' li lajeeb' roxk'aal xkab' o'q'ob' (450) chi xpropeeteb' laj Bahal, li neke'wa'ak rik'in lix Jesabel”.

1 Reyes 18:1

Moqon naq ak wank chik rox chihab' xtiklajik li we'ej, li Qaawa' kiraatina laj Elías ut kixye re: “Ayu, toxaak'ut wi' chik aawib' chiru laj Ajab, xb'aan naq ok we chi xtaqlankil li hab' sa' xb'een li ruuchich'och'”, chan.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Salmos 124:7

Xqakol li qayu'am kama' junaq xik'anel xul sa' xra'aleb' li winq neke'yohob'k. Xt'upe'k li xra'aleb', ut xookole'k!

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Jeremías 23:13

“Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.