Oseas 9:6 - Q'eqchi Bible

⁶ Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Li Santil hu

⁶ Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.

Oseas 9:6 ပူးပေါင်းရင်းမြစ်များ

Oseas 10:8

Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Isaías 7:23

Chiruheb' li kutan a'an sa' li na'ajej b'arwi' kiwank junq mil toon chi uub' ut jun mil chi tumin li xtz'aq, junes k'ix ut pajl aj chik wanq chiru.

Oseas 11:11

“Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Oseas 7:13

“Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

Isaías 32:13

Junes k'ix ut pajl aj chik taak'iiq sa' lintenamit; jo'kanaq ajwi' sa' chixjunileb' li ochoch neke'ninq'ehik wi' lintenamit chi saheb' sa' xch'ool.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Isaías 19:13

Xe'kaano' ruheb' li neke'jolomink re Sohán, xe'xb'alaq'i rib' li xninqaleb' ru winq re Nof, ut a'aneb' ajwi' laj k'amol b'e xe'sachb'esink re Ejiipt.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Proverbios 24:31

Ut xwil naq nujenaq chi k'ix li xk'aleb'aal, naab'al li pajl sa' li awimq, jo' ajwi' ak xe't'anje'k li pek sutsu wi' li na'ajej.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

2 Reyes 13:7

Laj Johakás kikanaak yal rik'in lajeeb' roxk'aal chi aj puub' neke'yalok chirix kawaay, jo'wi' rik'in lajeeb' chi b'eleb'aal ch'iich' ut lajeeb' mil laj puub' neke'b'eek chi roqeb', xb'aan naq li awab'ej re Aram kixq'ax ruheb' ut kixsacheb' chi junajwa li junch'ol chik chi aj puub', jo' na'uxk re li pojtz' naq nayeq'iik.

1 Samuel 13:6

Naq eb' laj Israel ke'ril li ch'a'ajkilal wankeb' wi' ut li nimla rahilal yo chi chalk sa' xb'eeneb', koxe'xmuq rib' sa'eb' li ochoch pek, sa'atqeb' li xhopolal ut x'atz'alaleb' li saqoonak, rub'elatq ch'och' ut sa'eb' li kumb'-ha'.

Jeremías 2:16

A'atqeb' laj Menfis ut eb' laj Tafnes xe'sachok re leewankil.

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Jeremías 44:1

A'an a'in li kiyehe'k re laj Jeremías chirixeb' laj Judiiy li wankeb' chaq Ejiipt, sa'eb' li tenamit re Mikdol, Tafnes, Menfis ut li wankatqeb' chaq sa' xteepal Patros:

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Jeremías 46:19

Kawresihomaq eerib' chi xik chi preexil, ex aj Ejiipt, xb'aan naq nakirirnak tkanaaq li tenamit Menfis, taasache'q ru chi junwaakaj ut maajun chik wanq chisa'.

Ezequiel 30:13

“Laa'in, li Qaawa', ninye chi jo'ka'in: Tinjuk'i eb' li xjalam u li jalanil yos ut tinsach ruheb' li b'alaq'il yos re Menfis. Maajoq'e chik taawanq junaq li taa'awab'ejinq re Ejiipt, ut xiwajel tinkanab' li tenamit a'an.

Ezequiel 30:16

Tink'e xxamlel Ejiipt, ut Sin tixtolk'osi rib' xb'aan li rahilal; taahope'q li xsuttz'akil li tenamit Tebas ut Menfis rahaq sa' xch'ool chi junelik.

Oseas 2:6

“Jo'kan naq laa'in tintz'ap li xb'e rik'in k'ix, tinram chi tz'ak li xb'e re naq maab'ar chik taanume'q.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Sofonías 1:11

Yaab'anqex laa'ex li wankex taq'a, xb'aan naq te'kamq chixjunileb' laj k'ay ut te'sache'q chixjunileb' laj jalol ru tumin.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Jeremías 44:13

Laa'in tinrahob'tesiheb' li wankeb' chaq Ejiipt jo' naq kinrahob'tesiheb' laj Jerusalén, rik'in raaxiik', we'ej ut raxkamk.