Oseas 9:4 - Q'eqchi Bible

⁴ Ink'a' te'mayejaq b'iin chiru li Qaawa', chi moko li xmayejeb' taawulaq chiru: rahaq chik xch'ooleb' naq te'tzekanq jo' tawi' naq yooqeb' chi k'aak'alenk kamenaq, ut muxb'ileb' ru te'kanaaq eb' li te'tzekanq re. Li wa a'an ka'ajwi' re te'xtzeka eb' a'an, ut ink'a' naru taak'ame'q sa' rochoch li Yos.

Li Santil hu

⁴ Nak cua̱nkex saꞌ li tenamit aꞌan incꞌaꞌ chic ta̱ru̱k texmayejak chiru li Dios. Chi moco li vino chi moco li xul te̱mayeja chiru. Ut nak texcuaꞌak chanchan nak yo̱kex chixyoꞌlenquil junak li camenak ut muxbil chic ru le̱ pa̱ba̱l ta̱cana̱k. Incꞌaꞌ chic ta̱ru̱k texmayejak chiru li Dios. Li tzacae̱mk aꞌan caꞌaj cuiꞌ re te̱tzaca la̱ex.

Oseas 9:4 ပူးပေါင်းရင်းမြစ်များ

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Deuteronomio 26:14

Ink'a' xintzeka a'an naq wankin sa' rahil ch'oolejil, maak'a' xinxok naq muxb'ilin, maak'a' xinyeechi'i re junaq kamenaq. Xwab'i xyaab' xkux li Qaawa' linYos ut xinb'aanu chixjunil jo' chanru lintaqlankil aab'aan.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

Malaquías 2:13

Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Ezequiel 24:22

Ut ye reheb': Laa'ex teeb'aanu jo' xinb'aanu laa'in: ink'a' teemuq li xnaq' eeru chi moko teewa' li xwahil li rahil ch'oolej;

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Isaías 57:6

“At Israel, nawulak chawu xloq'oninkileb' ru eb' li t'ort'ookil pek li wankeb' sa'eb' li nima', xb'aan naq a'aneb' tz'aqal aaweechanihom. Sa' xb'eeneb' ajwi' a'an xahoy laab'iin naq xatmayejak. Ma taach'anaaq linjosq'il xb'aan a'an naq nakak'oxla?

Números 28:2

“Ye reheb' laj Israel naq wanq sa' xch'ooleb' xk'eeb'al we, tz'aqal sa' xq'ehil, linmayej ut lintzekemq jo' ajwi' link'atb'il mayej li jwal sununk xb'ook.

Levítico 21:21

Maajun li ralal xk'ajol laj Aharón laj tij li ink'a' tz'aqal li xjunxaqalil naru taaq'axtesinq k'atb'il mayej chiru li Qaawa': a'an ink'a' tz'aqal re ru; jo'kan naq moko naru ta tixq'axtesi li xmayej wa li xYos.

Levítico 21:17

“Ye re laj Aharón naq, chalen anaqwan ut chi junelik, wi wankeb' ralal xk'ajol ink'a' tz'aqaleb' re ru, ink'a' naru te'xyeechi'i li xmayej wa li xYos.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Levítico 17:11

Xb'aan naq chixjunil li wank xyu'am yo'yo sa' xk'ab'a' li kik' ut laa'in xink'e eere li xkik'el sa' xb'een li artal, re naq rik'in li kik' a'an texruuq laa'ex chi xkolb'al rix leeyu'am, xb'aan naq li kik' natojok li xkolb'al rix li yu'amej.

Éxodo 40:23

Kixtus eb' li mayejanb'il wa sa' xb'een li meex chiru li Qaawa', jo' kitaqlaak wi' xb'aan li Qaawa'.

Números 19:11

“Ani taach'e'oq kamenaq, a' yaal ani, muxb'il taakanaaq chiru wuqub' kutan.

Números 4:7

Chiru xmeexul li wa te'xhel junaq kaqi t'ikr, ut sa' xb'een a'an te'xk'e xna'aj li ha', li sek' ut li xaar namayejamank wi' li b'iin. Li wa wanq tz'aqal sa' xb'een chi junelik.

Éxodo 29:40

Rochb'een li xb'een ch'ina karneer taayeechi'i ajwi' numenaq kaahib' liib'r li chaab'il xk'aj li triiw, yoq'b'ilaq rik'in kaahib' sek' chi chaab'il aseeyt; jo'kan ajwi' taayeechi'i jun litro li b'iin.

Jeremías 16:7

Maajun taak'ehoq chi tzekank chi moko chi uk'ak li xk'uluk kamk, us ta na'b'ej yuwa'b'ej li xkamk.

Daniel 1:8

Ab'an laj Daniel ink'a' kiraj xmuxb'al ru li xpaab'aal rik'in xtzekankil li xtzekemq ut li ruk'a' li awab'ej; jo'kan naq kixtz'aama chiru li xjolomileb' naq ink'a' tixmin ru chi xtzekankil a'an.

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.