Oseas 9:3 - Q'eqchi Bible

³ Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Li Santil hu

³ La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Oseas 9:3 ပူးပေါင်းရင်းမြစ်များ

Ezequiel 4:13

“Jo'ka'an naq te'xtzeka li muxb'il tzekemq eb' laj Israel sa'atqeb' li tenamit tincha'cha'iheb' wi'”, chan li Qaawa'.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Levítico 25:23

“Li ch'och' ink'a' naru xk'ayinkil chi junajwa: li ch'och' a'an we laa'in ut laa'ex yal aj numelex chisa', chanchanex wula'.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Daniel 1:8

Ab'an laj Daniel ink'a' kiraj xmuxb'al ru li xpaab'aal rik'in xtzekankil li xtzekemq ut li ruk'a' li awab'ej; jo'kan naq kixtz'aama chiru li xjolomileb' naq ink'a' tixmin ru chi xtzekankil a'an.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

1 Reyes 9:7

relik chi yaal naq twisi chixjunileb' laj Israel sa' li ch'och' kink'e reheb', twisi sa' xnaq' wu li ochoch a'in li xinsantob'resi sa' ink'ab'a', ut eb' laj Israel te'kanaaq cho'q se'leb'aal sa' xyanqeb' chixjunileb' li tenamit.

Deuteronomio 28:63

Jo' chanru naq li Qaawa' xsaho'k xch'ool cherusilankil ut chetamresinkil, kama' a'an ajwi' naq taasaho'q xch'ool chetz'eqtaanankil ut eesachb'al. Tex'isiiq chaq sa' li ch'och' ok eere chi reechaninkil.

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

Hechos 10:14

Kichaq'ok laj Pedro, ut kixye: “Maajaruj, at Qaawa'; maajun sut inyalom k'a'aq re ru muxb'il ut tz'ajn ru”.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Oseas 11:11

“Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Oseas 11:5

ab'anan ink'a' ke'raj sutq'iik wik'in. Jo'kan naq tento te'sutq'iiq wi' chik Ejiipt, ut eb' laj Asiria te'awab'ejinq sa' xb'eeneb'.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Josué 23:15

Ab'anan kama' xtz'aqlok ru chixjunil li k'aru chaab'il li kixyeechi'i eere li Qaawa' leeYos, jo'kan ajwi' naq li Qaawa' tixtaqla chaq sa' eeb'een li rahilal, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Deuteronomio 28:68

Li Qaawa' tatxk'am wi' chik Ejiipt, sa' jukub', sa' li b'e b'arwi' xyehom aawe: «Ink'a' chik taawil ru». Ut aran laa'ex teek'ayi eerib' reheb' li xik' neke'ilok eere, re naq texkanaaq cho'q aj mun winq ut aj mun ixq. Ab'anan maajun taaloq'oq eere”.

Levítico 20:22

“Paab'omaq chixjunil linchaq'rab' ut lintaqlahom, ut k'anjelahomaq ru chixjunil. Chi jo'kan ink'a' tex'isiiq sa' li na'ajej li texink'am wi' laa'in.

Levítico 18:28

Chi jo'kan ink'a' tex'isiiq sa' li tenamit xb'aan xmuxb'al ru, kama' naq ke'isiik li ke'wank xb'enwa cheru laa'ex.

Lamentaciones 5:6

Naqapatz' qawa quk'a' re Ejiipt ut Asiria, a'eb' li xik' neke'ilok qe.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.