Oseas 8:9 - Q'eqchi Bible

⁹ Laj Efraín xkoho Asiria chi xpatz'b'al xtenq'ankil, jo' junaq b'uur li naxb'eeni rib' sa' junesal na'ajej; ut xtoj rik'in xsimaatan re naq wanq ani taarahoq re!

Li Santil hu

⁹ Li ralal xcꞌajol laj Efraín chanchaneb li bu̱r xban nak nequeꞌxba̱nu xjuneseb li cꞌaꞌru nequeꞌraj. Xeꞌco̱eb xpatzꞌbal xtenkꞌanquileb riqꞌuineb laj Asiria ut queꞌxtoj re nak teꞌcolekꞌ. Ut incꞌaꞌ xeꞌxcꞌoxla nak la̱in raj xincoloc reheb.

Oseas 8:9 ပူးပေါင်းရင်းမြစ်များ

Jeremías 2:24

chanchanat li k'iche'il b'uur li naxchap raanil sa' li chaqich'och' ut maajun chik nachapok re naq yo ru. Yalaq ani nasik'ok re, sa' junpaat naxtaw; ut laj k'ol ink'a' naxb'ay rib' chi xtawb'al sa' xq'ehil ru.

Oseas 7:11

Laj Efraín jo' jun li mukuy maak'a' xna'leb', ink'a' naxnaw k'oxlak: naxpatz' xtenq'ankil re Ejiipt ut naxik rik'ineb' laj Asiria.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

2 Reyes 15:19

Sa'eb' li kutan a'an kiwulak laj Pul, awab'ej re Asiria, ut ki'ok sa' xch'och'eb' laj Israel. Ab'an laj Menajén kixk'e waqxaqib' mil rik'in lajeek'aal (8,200) chi tumin plaat re naq laj Pul tixtenq'a ut tixxaqab' xwankil chi junajwa sa' li x'awab'ejihom.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 2:10

Ut anaqwan tinkanab' sa' xutaan chiruheb' li neke'rahink re, ut maajun chik taakoloq re sa' wuq'.

Isaías 30:6

Resilal li k'aru te'xk'ul eb' li xul re Nejeb: Eb' laj Israel neke'xk'am Ejiipt li xb'ihomaleb' ut li k'aru wank reheb', chirixeb' li b'uur ut eb' li kameey. Neke'nume'k sa' li xiwajelil chaqich'och' b'arwi' wankeb' li josq' aj kaqkoj, eb' li ikb'olay ut eb' li raxk'aj, ut neke'xik sa' jun tenamit li moko tixtenq'aheb' ta.

Isaías 30:2

Neke'xik Ejiipt chi ink'a' neke'xye we; neke'xpatz' xtenq'ankileb' re laj Parahón ut neke'xsik' xkolb'aleb' rub'el xwankil Ejiipt.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.