Oseas 8:8 - Q'eqchi Bible

⁸ “Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Li Santil hu

⁸ Eb laj Israel teꞌsachekꞌ xcuanquil. Ma̱cꞌaꞌ chic teꞌoc cuiꞌ chiruheb li jalan tenamit. Chanchanakeb aj chic jun li secꞌ ma̱cꞌaꞌ chic xcꞌanjel. Yal re tzꞌekecꞌ aj chic.

Oseas 8:8 ပူးပေါင်းရင်းမြစ်များ

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

Ezequiel 36:3

Jo'kan naq ye reheb' sa' ink'ab'a': «Jo'ka'in xye li Qaawa': Yalaq b'ar eb' li jalanil tenamit xe'xsach eeru, xe'numtaak sa' eeb'een ut xe'reechani li k'aru eere. K'ajo' naq xexmajewaak ut xexse'eek xb'aaneb' li poyanam.

Lamentaciones 2:16

Chixjunileb' li xik' neke'ilok aawe neke'aatinak chawix; neke'xuxb'ak ut neke'xk'uxuxi li ruuch reheb': “Xqasach ru -chankeb'-. A'an a'in li kutan yooko royb'eninkil. Ak xqataw, ak yooko rilb'al!”.

Lamentaciones 2:5

Chanchan naq xik' chik nokooril, li Qaawa' xsach ru laj Israel; xjuk'i chixjunileb' li xch'ina'usil ochoch, xsacheb' li kawub'resinb'il kab'l, ut xnujob'resi laj Judá chi rahil ch'oolej ut yaab'ak.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 48:38

“Sa' xb'eeneb' li kab'l ut sa'atqeb' li b'e re Mohab junes yaab'ak na'ab'imank, xb'aan naq kok'putz' xinkanab' Mohab jo' junaq ch'och'uk'al li maak'a' na'ok wi'”, chan li Qaawa'.

Isaías 30:14

Texsache'q jo' naq najormank junaq ch'och' sek' li na'oso'k chi junajwa; ut maak'a' chik nakanaak cho'q re xokok ru xam chi moko re raj lekok ha' sa' junaq kuk”.

2 Reyes 18:11

Li awab'ej re Asiria kixk'ameb' laj Israel aran Asiria, ut kixk'eheb' chi wank sa'eb' li na'ajej Jalaj, Jabor, chire li nima' Kosán, ut sa'atq xteepaleb' laj Media.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Lamentaciones 4:2

Eb' li ralal xk'ajol Sión, li k'ajo' xloq'aleb' junxil jo' li chaab'il oor, chanchaneb' aj chik ch'och' sek' anaqwan, li yal xb'aanuhomeb' li winq.