Oseas 8:10 - Q'eqchi Bible

¹⁰ Ab'an us ta tixloq'eb' laj rahol re sa'atqeb' li k'iila tenamit, laa'in tincha'cha'iheb' anaqwan, ut chiru jun k'amok ink'a' chik te'xkuy rub'el xwankileb' li awab'ej ut eb' laj jolominel.

Li Santil hu

¹⁰ Lin tenamit teꞌxtumina ruheb laj Asiria. Ut la̱in tebinchꞌutub ru ut tebinqꞌue chixcꞌulbal li raylal saꞌ rukꞌeb lix reyeb laj Asiria joꞌqueb ajcuiꞌ li nequeꞌcꞌanjelac chiru.

Oseas 8:10 ပူးပေါင်းရင်းမြစ်များ

Ezequiel 16:37

Jo'kan naq eb' li ke'rahink aawu sa' chixjunileb' li na'ajej, jo'k'ihaleb' li kak'ojob'eb' xch'ool jo' ajwi' eb' li katz'eqtaana, teb'inch'utub' chasutam, ut chiruheb' a'an tink'ut laaxutaan re naq tate'ril chi t'ust'uuqat.

Oseas 10:10

Tolinraqoq aatin sa' xb'eeneb'; ut eb' li tenamit te'xjunaji rib' chi yalok rik'ineb', re xk'ajtesinkil ruheb' sa' xk'ab'a' li maa'usilal xe'xb'aanu”, chan li Qaawa'.

Ezequiel 26:7

“Laa'in, li Qaawa', ninye chi jo'ka'in: Tink'am chaq laj Nabukodonosor, li xnimal ru awab'ej re Babilonia, ut a'an taachalq chaq sa' xjayal releb'l iq' re xsachb'al ru Tiro. Taachalq rik'ineb' li k'iila kawaay, li b'eleb'aal ch'iich' ut eb' li neke'b'eek chirix kawaay, jo'wi' rochb'eeneb' naab'aleb' aj puub'.

Isaías 10:8

Xb'aan naq naxye sa' xch'ool: «Ma ink'a' tab'i' awab'ejeb' chixjunileb' li wankeb' rub'el linwankil?

Hageo 2:6

Wulak re xq'ehil naq tinhich'hich'i li choxa, li ruuchich'och', li palaw ut li chaqich'och';

Daniel 2:37

Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Ezequiel 22:20

Jo' naq natuub'aak li k'iila paay chi ch'iich' re xha'lesinkil sa' xam sa' li chiqleb'aal, jo'kan ajwi' tinb'aanu laa'in xb'aan linjosq'il: texintuub' ut tinsach eeru chi junwaakaj.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Isaías 36:13

Toja' naq li xnimal ru aj k'anjel aj Asiria kixaqliik ut ki'aatinak chi kaw xyaab' xkux sa' hebreo: “Ab'ihomaq li naxye chaq li xnimal ru awab'ej, a' li awab'ej re Asiria.

1 Crónicas 5:26

Jo'kan naq li xYos laj Israel kixtoch' xch'ool laj Pul, awab'ej re Asiria, naraj naxye naq laj Tiklat-Piléser, a' li kirisi sa' xna'ajeb' eb' laj Rubén ut aj Gad jo'wi' li xyiijachil xteepaleb' laj Manasés; ut kixk'ameb' aran Jalaj, Jabor, Jará, jo'wi' chire li nima' Gosán, b'arwi' wankeb' toj anaqwan.

2 Reyes 17:3

Laj Salmanasar, awab'ej re Asiria, koho chi yalok rik'in laj Oseas, ut a'in kikanaak rub'el xwankil laj Salmanasar ut ki'ok chi xk'eeb'al xtoj re.

2 Reyes 14:26

Li Qaawa' kiril li xnimla rahilaleb' laj Israel, xb'aan naq maajun chik wank chi ach'ab'anb'il chi moko chi munil, chi moko ani ta chik natenq'ank reheb' laj Israel.

Ezequiel 16:33

Chixjunileb' li neke'yumb'eetak, neke'q'ajkamuuk; ab'an laa'at ink'a', xq'ajkamunkileb' chik li neke'rahink aawu kab'aanu ut katojeb' chi yo'oon re naq yalaq b'ar te'chalq chaq chi maakob'k aawik'in.

Ezequiel 23:5

“Lix Oholá kixmux rib' naq toj wankin rik'in, ut oxik xch'ool chirixeb' li neke'rahink ru, a'eb' laj Asiria li rechkab'aleb':

2 Reyes 17:4

Ab'an li awab'ej re Asiria koxnaw naq laj Oseas yo chi xb'alaq'inkil: naxtaqlaheb' li xtaql rik'in laj So, awab'ej re Ejiipt, ut ink'a' chik naxk'e xtoj re kama' chaq xb'enwa. Jo'kan naq li awab'ej re Asiria kixtaqla xchapb'al laj Oseas ut kixtz'ap sa' tz'alam.

Isaías 30:2

Neke'xik Ejiipt chi ink'a' neke'xye we; neke'xpatz' xtenq'ankileb' re laj Parahón ut neke'xsik' xkolb'aleb' rub'el xwankil Ejiipt.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.